Ko Hawaii Pae Aina, Volume III, Number 30, 24 July 1880 — Untitled [ARTICLE]

Ua kaana iho nei ko kakou Ahaolelo i na lilo no ko kakou aupuni no na makahiki elua e hele aku neī, a ua hiki ka nui i ka $2,153,000. Ua manao ka poe naauao, aole ho e hookoia ana keia puu dala nui a pau iloko o ia wa, a ke manao nei no hoi niakou iloko o keia wa waiwai o ko kakou aina e pii nei, aole e emi ko kakou mau loaa malalo o ka huina i kohoia. Ua hoomahuahuaia ka haawina o ka Hooilina o ke Kalaunu a hiki i ka $10,000, a ua manao makou, ua ku ia haawina i kona hanohano, no ka mea, oia no ke keehina muli iho mahope o ke poo Kalaunu; a malia i kekahi wa e kaawale ai kona mna, alaila, ua lawa kona haawina no ka hookipa ana a me ka malama ana i na hanohano o na malihini kiekie e hiki mai ana. He mea kakalua no ka lehulehu ka' lilo o ke Kanawai e ae ana i na kanaka Hawaii e inu rama, me ka nui o na palapala hoopii kae, ka nui o ka poe pono e hele kino nei e kue kino, ka nui o na wahine inaikai e hele akn nei e noi, ka nni o na pepehi kanaka maloko o ka aina mailoko noai o ka ona, a me ka ikaika o na nupepa i ke pale aku. Ke hoomakaia nei ke kukulu o keiahi hale nui a nani o Honolnlu nei, aia ma ka aoao akau o ka pa o Aliiol&ni Hale. He hale keia e hooaiakaukauia aūa no na mea lealea a na haole, e laa ke mele, na hana keaka a me na mea aoo like. E hooliloia ana no keia hale na lilo mamua aku o ka iwakalua tansani dala, a ua ohiia "keia puu dala maiwaena mai o na poe kuonoono a waiwai o ka aina nei. Ua lono mai makou, e paa ana keia hale iloko, ae nei o ka malama o Novemaba. Ina e paa " keia ha1<S, alaila, e pakui hou mai ana ia i ka nani o Honoiulu.