Ka Hoku o ka Pakipika, Volume II, Number 7, 27 November 1862 — Lee kahea. [ARTICLE]
Leo kahea.
E haʻi aʻe ʻoe ma ke akea, i ka poʻe e makemake ana i ka nupepa Hoku o ka Pakipika, e noho ana mai Kualoa, a Waiahole. Ke haʻi oke nei au ia ʻoukou, e hele mai ʻoukou ma koʻu wahi ma Waikane nei, no ka mea, eia no ke waiho nei ma koʻu lima na pepa, mai ka Helu 1, a pela aku no keia Buke 9. E na moʻopuna kualima a Wakea ma laua ʻo Papa, i hanau ʻia ma loko aʻe o Hoʻohokukalani; eia ka nupepa a ko kakou lahui i hoʻopuka ʻia aʻe nei,no laila, mai kanalua ʻoukou, i ka lawe i keia nupepa, $1.00 hoʻokaʻa mua mai i ka lima o ka ʻoukou kauwa,a e puka mau no ka ʻoukou pepa i kela poʻalima keia poʻalima ,a emi mai, a ʻoi aku paha. E wiki mai ʻoe i ka hoʻopuka mai i ko kaua manaʻo, i ʻike mai ai ko kaua mau kini, e noho ana ma ko kaua one hanau. Ia ʻoe aku ia, ke hoʻi nei au i ka ʻolu hou o Kiapoko, i ka heluhelu i koʻu mau puʻukani. Waikane, Nov. 20, 1862.