Ka Hoku o ka Pakipika, Volume I, Number 36, 29 Mei 1862 — HE INOA NO KELIIKANAKA OLE. [ARTICLE]

HE INOA NO KELIIKANAKA OLE.

Nani wale na lehua o Lihau la, Ke lu ia mai la e ka makani Ia, Ula pu aku la i ka moana la, Ua ana ae nei hoi la, I ka pa mau a ka hoolua la, Elua no hoi maua la, I ka pua ala o ka Inia la, Kau iu lua ka manao la, Launa pono ole i ke kino la, I naue ae no paha au la, I ka lau neue o ke kupukupu la, Kupu mai ka manao a nui la, E uweke pono ana i ke kino la, Ko kino apaapa i ka hana la, I anei hoi au i ka lai la, Lai hoopohu ka manao la, Mai hina aku oe ilaila la, Muliwai uno aku ke la, Aohe kuke pono i ke awa la, E ku ia ai e ka moku la, Eia mai no hoi au la, O ka pua noho mai i ka iu la, Nono ao aku ana ka manao la, I ka manu kii wai o uka la, Nawai e lohe oi ala la, Ua paa i ka uaniki la, Ai home ka manu i ka nadele la, Aohe opala ai ole la, Akahi manu e inu nei la, Kanoa ulu la pono ia la, A ku pono i ka laina la, Ina ua hele pololei la, A loaa o ka lei hulu mamo la, O ka oi no ia o ka nani la, E kulana pono ai ko kino la, Ko kino waliwai i ka lai la, Kaulana makehewa Moelana la, A o i paa pono i ka helu la, I ka buke kau o ke aupuni la Me oe aku no ka manao la He mauene kau kino me i ala la, Nioi welawela i ke kula la, Eha e o i ala niniau la, E hana ka makua a oki la, A paihi o i nei i ka wai la, I puka ka inoa o ke kama la, Keliikanakaole he inoa la. Zipiliano Halulu Holualoa, Kona Akau, Mei 23, 1862.