Ka Hoku o ka Pakipika, Volume I, Number 32, 1 Mei 1862 — Na Makani. [ARTICLE]

Na Makani.

Ke kuhihewa nei kekahi poe o Honolulu nei i ka makani e pa mai nei he ulu moku, oia ka mea i holo wikiwiki mai nel, He kuhihewa ia ! O ka wela no, oia ka mea e holo ai ka makani, aia wela ka makani i ka la, ua mama iho la a pii, hoholo mai ka makani mai na wahi e, na wahi anu mai, a piha ka hakahaka. Ina no ma na aina puni i ka moana ma na wahi wela o ka honua, he mau makani elua i kapaia he makani o uka a me ka makani o kai. I ka po, i ka manawa i anu ai ka aina, hoholo mai ka makani o uka, no ka mea, ua mama ko kai makani. I ka wela ana mai hoi o ka aina i ka la, hoholo mai ka makani o kai, no ka inea, ua pii i ka la. Ma ke kaei wela, o na wahi malalo iho o ka la kai wela Ioa; a no ke kaa ana o ka honua mai ke komohana a i ka hikina, holo e ko ka honua, holo e ko ka makani; hahai no ka makani mahope ae o ka la, nolaila, ua mau na makani mai ka hikina mai. Ua kapaia na makani mau ma ka aoao akau o ka poaiwaena, oia ma na Mokupuni o Hawaii nei, e puhi ana na makani mau, mai ka Hikina Akau mai, a ma ka aoao hema o ka poaiwaena, ua puhi na makani mau, mai ka Hikina Hema mai. Aia ma ka moana Iniana, ua huli ka makani mau a kekahi mau malama mai, e puhi ana mai ke Komohana Hema mai, a kekahi mau malama ua puhi mai ka Hikina Akau mai, ua kapaia ka inoa oia makani o Monesune. He makaui ikaika loa na mumuku, aia no lakou ma na aina wela, ua hina na mea ulu ke pa mai ia makani. He puahiohio kekahi makani, no ka pa ana mai o na makani kue elua, ka puahiohio, pa mai na makani kue elua, a wili ae la me he poai ia e ume i na mea mama a lawe aku i luno, nolaila, e pau na kaao o na ipu makani a Laaomamao. E aloha pua oliana auanei, ke hoi nei au i ka lai o Lawelawela D. W. Poliwela. Lawelawela, Makiki, Oahu, Aper. 12,1862.