Ka Hoku o ka Pakipika, Volume I, Number 11, 5 December 1861 — He Kanikau no ka Haku Iesu. [ARTICLE]

He Kanikau no ka Haku Iesu.

He kanikau aloha keia no ka make ana o ko kakou Haku, i kaulia'i ma ke kea, na kekahi kanaka maoli i haku, na Kaeleowaipio.

He kanikau aloha keia ia oe e ka Haku a–e, He kanikau aloha he u he manao mihi, He manao lana i ka make ana o ka Haku, I kaulia'i ma ka laau kea, Ma ka puu o Karavali, Makia ia na wawae a paa i ke kui, I kia ia i ke meki, o ia i ka ihe, Makini kona aoao, Make ai ke keiki kipa a ke Akua. Ka mea laha ole, ke kupanaha, ka newenewe, A kini akua, a na anela o ka lani, Hoalaia'ku iluna kau ai i ka la, Nakinaki ia i ke kiaha a paa i ka ohe, Ohi'a na mea awaawa a pau, Ke au o ka ia, ka huahuakai, ka wai vineka, O ia iluna i ka Meaia, Inu Iesu i ka wai vineka awaawa, Hoi ka eha ma ka naau, Pule Iesu i ka Makna, "E ko'u Makua, e ko'u Makua, Heaha hoi oe i haalele mai nei ia'u, Ua nahae iho nei ka paku o ka luakini, Mai luna a lalo, Nauweuwe ai ka honua, Makakaka ka pohaku, Kukuku ka pali haakoae, Ala mai na ilina a pau, Puka mai na kanaka kawalawala, Noloko mai o na ilina, Hele aku la i kek kulanakauhale lehulehu, He lehu, he kini, he manao, Ka make ana o ka haku ia kakou e ka honua, No kakou ka hala make ai ka Haku, Kani uina nakolo ka pihe, Uina nakolo ke auhee, Piikua waha ka opeope, Hii keiki ma ke alo, Uwe alala i ka nahele, Kanii uina ka leo o ka hekili iluna, Kani na kolokolo i ke kulu aumoe, Kani oleole mai ka waha o ka uila, Kani na holoholo i ke kahakai, Ku pilikii ke kaha ke one, Ke auhee a ka lanakila, Mo ka pawa wehe ke alaula, Lele opeaopea ka hanauna manu, Ka auna manu o ka lewa, No Kalewanuu ke Akua, No Kalewalani ke kanaka, He kanaka Iesu he Akua ia, He ulalele Iesu mai ka lani, He hiwahiwa na Iehova, He keiki makahiapo na ke Akua, Ulu ka paku ka Uhane Hemolele, Lele hoanoano i ka imo o ka lani, Nana i ka pono me ka hewa, Ua hewa ka honua, Kani ai ka pu leo nui ma ke kuahiwi o Sinai He leo no kekahi iloko o ke ao, Opaaipai ai ka lani e pili i lalo, Pipili ka ua me ka makani, Pili ka la me ka mahina, Pili na hoku me ke ao kaalelewa, Uhi ka lani poeleele pouli ka honua, Uhi ka pohina ke awa nalowale na moku, Ku ke kiahi ke kia lani, Ke kia po a me ke kia ao, Huli ke kua malamalama ke alo, Papapuu Parao ma i ke kai ula, I hana o Mose i kona kookoo, K ue ke kai me ka wai, Ala-ala-make-ua-make, Ua make ka honua i ka lele mua ana, He hope ka ke Akua o Iehova, Oili ke ahi mai ka lani mai, Mai ka lima mai o Iehova, Me ka lluaipele, make ai ka aina o Sodoma, Ina poo ai ilalo, pau ai na kulanakauhale i ke ahi, Lapalapa, make mau, he hoailona no ka hewa, Imi ke ahi i na lawehala, Hahai a holo me kanaka, Ahai ai Lota i ka mana o ka Haku, Kuihe ka wahine ua kanalua, Nana i na mea ike maka ia Paulele i na waiwai o ke kino, Hooliio ia i kia paakai, Ala-ala-make-ua-make, Ua make ka honua i ka lele mua ana, A he hope ka ke Akua o Iehova, Niniu ka lani kaa ka honua, I ka inaina o Iehova e kau mai ana maluna, Make ai ka aina o Gomora, Me ke kulanakauhale nui o Babalona, A o Betesaida, o Taro, o Sidona, KapelenauUa huli i ka po i ka mau mau, [ma] He make kahiki mai keia, Mai ka hookumu ana mai o ka honua, O Adamu laua o Eva i ai i ka ai i lahui ia, Pepehi Kaina ia Abela, olelo ke koko i ke Akua, Hookauhua ka hewa o ka honua mai kinohi mai, Mai kela hanauma mai a hiki loa mai i keia hanauma, I ke au ia Noa, i hana'i o Noa i hale laua, Olelo mai la o Iehova, E luku ana au i na kana a pau, Na kamalii a me na manu, A me na mea kolo mai ke alo o ka honua'ku, Alaila, haule mai la ka ua maluna o ka honua Hookahi kanaha la me na po, I ua mai ai o ka ua maluna o ka honua, O ka ua maluna o ka wai malalo, Wai kahe uka, kaikoo kai, Kaihauee, pulawa na moku, Uhi kekai a Kahinalii, Nalowile na moku i ke kai, Ala-ala-make, ua make, Ua make ka honua i ka lele mua ana, He hope ka ke Akua o Iehova, Ohaoha lia, halialia he aloha o ka haku a-e, Kuu hoa u o ka po a me ke ao, Kuu hoa mihi o kahi mehameha, Kuu paku kuu alakai, , Kuu hoikeike o kahi ike ole ia, Kuu hoa hoolaukanaka o kahi kanaka ole, Kuu hoa hele o ka la ikiki a-e, E alo ai i ka ua me ka makani, E helu ai i na alanui a pau, He alanui ma kai, he palahalaha, He ala iki ma uka he ololi, A he ala oki hoi kekahi mau ala, He ala haupeepee me o'u hoa, Me na hoa aloha iloko o Kristo Iesu, Ku ka makemake ka hauoli maloko, He makemake mawaho aole iloko, He hoopaakiki no i ka naau, He naau lolelua ua kuihe, He hookohukohu, hooiaio maka wale no, He hookoikoi hoahanau wale, Puahi wale no mawaho, aole oiaio maloko, Ua manao nui i na mea o keia ao, Ina mae wale ke ike aku, A ua hoino aku kahi i kekahi, Pololei ka waha i ka hoike mai,

I ka olelo a ke Akua, ua puakala oloku, He u aloha a me ka mihi aku ia oe, e kuu Haku, No kuu make ana i kaulia'i ma ke kea, E kuu Haku e–ke kue nei ko keia ao, Aole i malama e like me kau kauoha, Mai manao kiekie kakou, A me hoonaukiuki aku kekahi i kekahi, A me ka huahuwa i kekahi i kekahi, Aka, o ka hua na ka Uhane, Oia ke aloha, ka olioli, ke kuikahi, Ke ahonui, a me ka lokomaikai, Ka maikai, ka manaoio, Aole pela keia no e ka Haku e––a, Ke nanahu nei kekahi i kekahi, Ke kue nei kekahi i kekahi e––a Aole i aloha ko keia ao ia oe e ka Haku e-a, I kou make ana i kalahala no makou e––a, Ke aloha o ka Haku aole e pau e––a, W. D. SMITH. Moiliili, Novemaba, 29, 1861.