Ka Hoku o ka Pakipika, Volume I, Number 3, 10 ʻOkakopa 1861 — He wahi nane. [ARTICLE]

He wahi nane.

E kau ana kekahi Moohueloawa nui ma ka Mauna Kaleinera 1, 861 anana kona loa, aole i ike ia ka nui o kona laula, ku pololei mai la kona huelo a wanana mai la i ko ke ao nei, i mai la. " E hiki mai ana he mea oi aku kona loihi ma mua o ko'u a ua like nae maua ma ka laula 5, nae anana oi o kona loa mama o'u, ua kau ia nae ma ka aoao akau o kona ale i na hua palapala ma ka olelo Beritania (A.D.")

Hai maopopo mai la ka huelo o ua Moo nei, i ke ano io maoli o ka mea e hiki mai ana ma ke kakau ana i ka hua helu 6, alaila i ka hua helu 6 hou, i mai la ka huelo o ka moo i mua o ke ao nei, "O keia ka mea e hiki mai ana nona na anana oi 5 mamua o'u a olelo mua ia ae nei."

Ia manawa, puka koke mai ke alelo o ua moo nei, a olelo mai la i mua o ke ao nei i mai la, "aole i piha na hua helu o ka mea e hiki mai ana mahope." Alaila lalau iho la ke alelo i ka peni a haawi ae la ka na wawae hema o ua moo nei e kakau na hua helu i koe e piha ai ka mea e hiki mai ana i ka hua helu 6 a me ka hua helu 6 hou a ka huelo kakau mua ai, kau hou aku la i ka hua helu 8 e kokua ana i na hua helu mua, a mahope i ka hua helu 1 e kua ana i ka hua heiu 8 6 6, alaila, olelo mai la ke alelo, "o keia ka mea e hiki mai ana mahope i olelo ia ae nei e ka huelo, ua kakau ia nae i na hua palapala ma ka aoao hema o ka lae ma ka olelo Hawaii (M. H.") Eia ka ninau. He aha keia mea e hiki mai ana? Heaha ka haina o na hua palapala i kakau ia ma ma lae i na olelo like ole elua? Ehia ka helu ana o kona mau la mai keia la aku a hiki i ke ko ana? E hiki paha i ka Aha Hui naauao o ka "Nupepa Kuikawa" e hai mai ma ka Helu 3 o "Ka Hoku o ka Pakipika" J.W. Kalaiolele, Honolulu, Sept. 28, 1861