Ka Hoku o ka Pakipika, Volume I, Number 2, 3 October 1861 — Moolelo no Kawelo. [ARTICLE]

Mooolelo no Kawelo.

Helu 2. E noho ana o Kalonaikahailaau ma Koolaulau, o Oahu, ia manawa, nolaila, hele aku la o Kaniwahineikiaoha kana kaikamahine mai Waikiki mai oia a hala ka muliwai o Apuakehau, a hiki keia i na niu o Kuaaka, alaila, pane aku la o Kawelo ia Kamalama kona kaikaina, i aku la, e ukali ae oe mahope o ka wahine a kaua, i lohe ia ka leo ino a na makuahunowai, a laila, hele mai la no o Kamalama., A hiki o Kanewahineikiaoha i Kulaokahua, hiki o Kamalama i na niu o Kuaaka, pela no ka laua hele ana me ka ike ole mai o Kanewahineikiaoha eia a Kamalama mahope Pela no a hiki laua i Nuuanu, ilaila ke kapoo ana o ka la. Iho mua aku la no ka wahine, a hiki ilalo aku, auau iho la o Kanewahineikiaoha, pee ae la o Kamalama. Hiki aku la o Kanewahineikiaoha, ika hale o na makua. ua hele o Kalenaikahailaau, ka hai awa imua me na Kahuna, oia hoi ka hale komo ole ia e na wahine, he oihana ia no ka wa kahiko, a o ka makuawahine wale no koe i ka hale, komo aku la ia a uwe iho la me ka makuahine, a o Kamalama piii mai la ia mawaho o ka hale. e pee ana. Lohe aku la ka makuakane i keia leo uwe a laua, hoouna mai la o Kalonaikahailaau i kekahi kanaka e hele nana i ka mea uwe mai la i kona hale, nolaila, hele aku la ua kanaka la a ninau aku la ka wahine a Kalonahai laau. Owai keia malihini o ka hale o olua i olelo mai la ka wahine, o ke kaikamahine a Kanewahineikiaoha. Hoi aku la ua kanaka nei, a hai aku la ia Kalonaikahailaau, i aku lao ke kaikamahine a olua o Kanewahineikiaoha alaila, hoonoa oe la oia i ka pule, a hoi aku la a hiki i ka hale, ku iho la ia ma a puka. Ninau aku la i ke kaikamahine, heaha la ka huakai nui a kuu kaikamahine i hiki mai nei? O ka poeleele, o ke akua kapu o ke aumoe nei la-e? Hai aku la ke kaikamahine, he huakai. I kii mai nei au i kekahi hauna laau o Wahieloa na maua me kuu kane e holo ana maua e kuau i ka aina o Aikanaka. A laila oli mai la o Kalonaikahailaau. E oe e ku ka hauna laau a kaua i ko kane, He kole ko kane, he wawae liilii, He uliuli ko kane, holoholo kahakai, I paia e ke kai nui e hina wale ana ao, He nui pumaia ko kane, ku i kaika, He puhala ko kane, he aa kiolea, Ku no ka laau a kaua i kou makuakane, He nui no mai luna a lalo, E pa ke kona a oe e hina, E pa ka moae e oe e hina, He hina no'u no ke aalii ku makani alaa pu me ka lepo. A lohe o Kanewahineikiaoha i keia leo o Kalonaikahailaau pane aku la la. E'. o na olelo no auanei au ia ua lohe aku la no kuu kane, i mai la ka makukane, he keu hoi ha ke kane pepeiao lohe o kau, aia ia ma Kona, eia kaua ma Koolau nei, ua lohe aku la no ka! I aku la ke kaikamahine, aohe e nalo i ke Akua ike o kuu kane, ia Kalanikilo ua lohe aku la no i ka olelo a kaua. Ninau hou no ua makuakane nei, heaha ka huakai nui a kuu kaikamahine i hiki mai nei o ka poeleeie o ke akua lapu o ke aumoe nei la-e alaila, pane hou aku la ke kaikamahine, i kii mai nei au i kekahi mau kikoo pana iole a kaua na maua me kuu kane, e holo maua e

kaua i ka aina o Aikanaka, alaila, oli mai la o Kalonaikahailaau. Makehewa no hoi ka mai okuu kaikamahine. I ke kane pana iole, Pana i ka iole a ku ka hai ai naʻu na ka makuahonowai. Pana i ka iole a ku ka hai ai, nau na wahine, Pana i ka iole a ku ka hai ai na Kamalama na ke kaikaina punahele, Pana i ka iole a ku ka hai ai, na Kakuihewa na kahi i noho aku ai. Lohe no ke kaikamahine i keia oli a ka makuakane, i aku la ia, o na olelo no auanei a kaua la, ua lohe aku la no kuu kane, i aku la ka makuakane, a hai ia paha e oe e kuu mea i hanau, alaila, lohe ia, aka hoi, i moni oe a puka malalo aole paha ia e lohe. Ninau hou mai la no ka makuakane, i ka huakai, o ke kolu ia. Heaha ka huakai nui a kuu kaikamahine i hiki mai ai o ka poelele, o ke akua lapau o ke aumoe nei la-e. Hai aku la no ua kaikamahine nei, he kuakai. I kii mai nei au i kekahi koi kuawaa a kaua, na maua me kuu kane, e holo ana maua i Kauai e kaua i ka aina o Aikanaka, alaila oli mai la ka makuakane. Make hewa no hoi ka mai o kuu kaikamahine i ke kane kuawaa, Kua aku la i ka waa, a waiho i ke pohole, Hoi ae la a ka puaa a ka holona pau i ke kalua, Loloa hewa ana hoi ka hulu o ka mai i ke kane kuawaa. Lohe no ke kaikamahine i keia, olelo aku la no ia i ka makuakaue, E, o na olelo no auanei au la ua lohe aku la no kuu kane, i aku la ka makuakane, owai hou kona mea e lohe ai, ina paha he kanaka owaho e hoomalamalama ae i ke ahi. A lohe o Kamalama i keia olelo a lakou iloko, holo e aku la ia ma kahi e, a i ka hoomalamalama ana, aohe kanaka owaho. A wehe ae la kaia o ke ao hoomakaukau iho la lakou e paina, a hele mai, alaila, hoi mai la o Kamalama. A hiki ia i Nuuanu, nana aku la ia e Pii mai ana lakou la, a hoi loa no keia a hiki i Waikiki a kii aku la rnakapa o ka muliwai o Apuakehau Alaila paha rnai la o Kawelo i na paha a ka makuahonowai i hana ai i Koolau imua o ke kaikamahine, ua lohe no ia i ke Akua ike ona ia Kalanikilo, a [illegible] mai la o Kawelo. E oe e ku ka hauna laau a kaua i ko kane, He kolea ko kane he wawae liilii He ulili ko kane hooholo kahakai I paia e ke kai nui e hina wale ana no He nui pumaia ko kane ku i kaika He pūhala ko kane he a kiolea, I ku no ka laau a kaua i kou makuakane He nui no mailuna a lalo E pa ke kona a oe e hina, A pa ka moae a oe e hina E pa ka hoolua e oe e hina, He hina no'u no ke aalii ku makani ala pu no me ka lepo. A lohe aku la o Kamalama o ke oli ia a ka makuakane o ka wahine i hana ai i Koolau, i aku la ia ia Kawelo, kulikuli! He kanaka lohe no ka hoi oe, kena hoi oe iaʻu e hele i kela wahi makamaka ole. Ke hoi nei au e ai he pololi ko'u, a hoi aku la o Kamalama, a kena aku la i ka laua aipuupuu ia Pikaulehu i ai, a ia. Lawe mai la ka aipuupuu hookahi kanaha kuala paa, hookahi hoi kanaha laulau puaa, a manoa iho la o Kamalama. Hiki mai la o Kalonaikahailaau me Kanewahineikiaoha, a me na keiki kane o Mauiakekai. Ike mai la o Kawelo ia lakou i ka hoea ana aku, alaila, paha mai la no o Kawelo i na paha a ka makuahonowai i hana ai i kana kaikamahine i Koolau oia hoi na paha maluna, alaila, olelo aku la o Kanewahineikiaoha ia Kalonaikahailaau. Aia hoi paha la! e kala au i olelo aku ai ia oe, aole e nele ka lohe a kuu kane, no ka mea, he akua lohe kona o Kalanikilo, i aku la hoi ka makuakane, ae, akahi ae hoi au a ike i ke kane lohe o kau, ma Koolau kaua e olelo ai, a ma Kona nei ka nui ka lohe. Hele aku la o Kanewahineikiaoha a olelo aku la ia Kawelo e ai lakou a maona, alaila kaalaau lakou, oia hoi kekahi ano kaua. Hoole mai la o Kawelo, me ka i mai e lepo nui auanei he puaa kalua a hoopaakiki hou aku la no ka wahine aka, hoole paa loa o Kawelo.

Ukiuki iho la o Kalonaikahailaau; alaila, i aku ia ia Kawelo, e kaalaau e mamua; e like me ka Kawelo olelo, pane ae la o Kalohaikahailaau Mauiakekai ma e ku ae e kaalaau me ko laua kaikoeke me Kawelo Ia lohe ana mai o Kaweio e kena ana o Kalonaikahailaau i na keiki oia kona mau hoa kaalaau, alaila paha mai la o Kawelo Penei O ke kumu o ka manao hele ae iwaho-e-a Ke ano oia paha, he makemake no o Kawelo o ka makuahonowai pu no kekahi e ku pu mai e kaalaau, no ka mea, oia no ke kumu a lakou. Ukiuki loa iho ia o Kalonaikahailaaui ke koi mai ia ia, no ka mea, he mau keiki akamai no kana i ke kaalaau, a he laau no ka laua o Wahieekeeke ka inoa, no laila, ku pu ae la o Kalonaikahailaau a me na keki, a ku mai la no hoi o Kawelo, a kaalaau iho la lakou, kakii mai la ka makuahonowai i kana laau, e huʻa lepo ae ana o Kawelo i kana laaau, a pa ae la ma ka iwiaoao o Kalonaikahailaau a haule iho la i lalo a

a kapalili aku la ka manea o ka wawae alaila paha aku la o Kawelo Ke lawelawe la nae hoi A rnake aku la oe ia Kuikaa, la Hookaa, ia Kaakua, Ia kaalo, E ike oe auanei i ka nao hoopai a Malaila i ka laau e wali ai o na ka pulupulu, E oki ai o na ka haola, E ike oe auanei apopo, I ka moa i hanaia i ka la e. A puupuu ka lepo, A akaaka ka hulu, Me he moa au la i ka uwahi, A eina ka hulu, Hookahi no pekuhana aʻu a ka moa i mahi. Puko ana—-puko ana, Hele mai ia o Kanewahineikiaoha a me Mahiakekai ma , a ninini iho la i ka wai e lomi iho la lakou ia Kolonaikahailaau ia Kawelo peni. “ O ka laha ana iho la no ia o ka laau e like no me ia au i hahau . mai la ia'u, nolaila, aohe wahi i koe a'u e ao aku ai ia oe kena ae la o Kawelo i kana wahine a me Kamalama, a me Kalaumaki ma, a me Kauluiki ma, e kii i waa ia Kakuihewa' e noho ana i Puuloa, a i waa e holo ai i Kauai, e kaua me Aikanaka a kii aku la lakou. . A hiki i Puuloa, ninau mai la o Kakuihewa, heaha mai nei ka oukou ? Olelo aku la o Kanewahineikiaoha, i kii mai nei makou i mau waa no makou, ninau aku o Kakuihewa, i waa. . aha ? Hai aku la o Kanewahineikiaoha, i waa no Kawelo e holo ai i Kauai, e kaua ai me Ajkanaka, ka moopuna a Kahakualamea. A lohe o Kakuihewa, ae mai la ia e haawi i mau waa no Kawelo, no ka mea, e noho ana o Kakuihe* wa ia wa me ka makau ia Kawelo o lilo auanei o Oahu nei ina e kipi o Kawelo, nolaila, haawi koke no ia i waa, i holo ai o Kaweio i Kauai, aole noho i Oahu nei. A loaa na waa, he mau kaulua, hoi mai la lakou a pae i Waikiki, ia la no, hoomakaukau no lakou e holo, a holo no ia la.. Ia wa hoolaau mai la kekahi wahine a Kawelo, o Kou ka inoa, hooie mai la o Kawelo, aole ia e holo. Ee ae la o Kawelo a me kana wahine, ke kaikaina, na keiki, a me Kauluiki ! ma, iluna o ka waa a holo aku la. Holo aku la lakou a Waianae, pae lakou ilaila. Kena aku la i ke kaikaina, na keiki a me na koa o Kauliki ma, e kukulu i heiau; a kukulu iho la lakou a paa ka heiau, houluulu iho la o Kawelo i na akua ona, o Kaneikapualena a me Kulaniehu. Kaikai aku la o Kawelo i ua mau akua nei a luna o ka heiau. Paha aku la ia penei: E Kaneikapualena, e ku e hele kaua i Ka-uai—-e—-a. A ulu a noho, a noho, a ulu, Ike aku la o Kawelo i ke kolili o ka hulu iluna o ka lae o ke akua ona. Paha hou aku la oia penei: O ua akua mana nei no hoi, Mai oʻu kupuna mai no a iaʻu e—a. Houluulu hou ae la o Kawelo i ka lua o ke akua ia ia Kulaiehu ma ka paha penei: E Kulaniehu, e ku e hele kana i Kauai e—a, A ulu a noho, a noho a ulu, Hohe iho la keia akua, alaila, paha hou aku la no o Kawelo. O ua akua mana ole nei no hoi. Mai o'u kupuna mai no a iaʻu e—-a. Alaila, hopu aku la o Kawelo i ka laau ana ia Kuikaa, a paha aku la, penei: A make aku la oe ia Kuikaa, Ia Hookaa, ia Kaa-kua, ia Kaa-alo, E ike oe auanei i ka nao hoopai a Malaia, I ka laau e wali ai na ka pulupulu, E oki ai o na hoola, E ike oa auanei a popo, I ka moa i hana ia i ka la—-e. A puupuu i ka lepo. A akaaka i ka hulu. Me he moa kau la i Kauwahi. A eina ka hulu. Hookahi no pekuna aʻu a ka moa i mahi la—e. Puko—-a, Puko—-a.