Ka Hoku o ka Pakipika, Volume I, Number 2, 3 ʻOkakopa 1861 — Holo ka Hana. [ARTICLE]

Holo ka Hana.

I ka poaha iho nei, oia ka la 26 o Sepate - maba, ua puka ae na nupepa hou elua, ka Hoku o ka Pakipika a o ka Nupepa Kuokoa. He mea e ka nunuku launa ole o na kanaka iloko o na hale pai o keia mau nupepa. Ua manao ia he nui ka poe i hele mai ma ka hale pa palapala o Wini, a he oi nui loa aku hou ma ka hale pai aupuni,i kahi o ka Hoku Pakipika. He mahalo nae ka naau i ka puka ana o na pepa elua; aka, ua oi loa aku ka mahalo ia o ka haole, no ka mea, ua maa lakou e hoopuka nupepa no lakou. Eia no ka mea hou, o ke kukulu ana, a me ka hookahua ana, a me ka lawe maoli ana o na kanaka Hawaii i pepa na lakou ponoi i hoopuka, i ike akea ia na manao o ka lahui Hawaii. Oia iho la no ke kuleana o ko makou lilo ana i Ahahui, i hiki ia makou ke hoopoho ole ka manawa o ko oukou mau puupuu lima, a me ko oukou mau hoailona, a na makou no e hoopuka i na wa pono. Ina he nupepa maemae kekahi ma Hawaii nei i keia mau la, alaila, ua ike no ka paha lakou he mau pepa ino wale no ma Hawaii nei mamua. Eia mai ka nupepa a na kanaka Hawaii e ku ai o ke kaena, ka Hoku o ka Pakipika no kakou ponoi.