Kuu Hae Hawaii, Volume I, Number 7, 6 June 1913 — Na Keena Hulahula he Punana no ia no ka Hoolaha Ana i ka Ino [ARTICLE]

Na Keena Hulahula he Punana no ia no ka Hoolaha Ana i ka Ino

Elike me ke kiowai halana hoolaha naioio, a loaa mai ka makika e lawe ana i na anoano mai a hookomo akn iloko o kela ame keia kanaka'; pela no na Keena Plulahnla, he punana hoolaha no na manao hewa iloko o ka noonoo o na opio wahine ame na opio kane. A ina ke ike maopopoia nei ia ano iloko o na Keena Hulahula i aeia e ke kanawai o ka Papa Lunakiai, he mea pono e ae aku i ka manao oia hoa o ka Papa, e hoopauia kela kanawai, e hiki ai no ke ike lea ia aku, oia kekahi kumu nana e hoemi nei i ka lahui Hawaii ponoi, i hoouluia e keia Kiowai Halana hoolaha mea ino, a puka, āku ma kekahi aoao. "Ke emi nei ka lahui Hawaii, wahi a Kiaaina Frear ma kana hoike makahiki. He oiaio no, he mea hoohauoli na hana hulahula, he mea hoolauna na hana hulahula, he mea hoolaulea na hana hulahula, a he mea hooikaika kino no hoi; aka, ma o aku o keia mau maikai i manaoia he maikai, e hoea mai he hopena awahia.