Ka Hoku o Hawaii, Volume XLI, Number 27, 11 ʻAukake 1948 — Nalowale A Loaa Hou [ARTICLE]

Nalowale A Loaa Hou

Ma ka Poakahi nei i pahole ae ai ka lono no ka nalowale ana o kahi mokulele halihali ohua Cockett, mahope iho o kona haalele ana iho ia Hilo nei ma ka hora 1:40 o ia wanaao. E like me na ma i hoike ia ae ai e pili ana i ua wahi mokulele ua huli hoi mai oia mai Maui mai ma ke aumoe me kekahi ohua, a mahope ka i haalele iho ai oia ia Hilo nei no kona huli hoi aku no Honolulu. Ma ia huli hoi ana no Honolulu i nalowale ai. Aole nai i hoomaopopo ia kela mea a hiki i ka hala ana o kekahi manawa ma ka Poakahi, no ka loaa ole ana mai o ka lono ua hoea oia i Honolulu. I ka loaa ole ana o ka lono i hoomaka ia ai ka huliia ana. Ua hoouna ia na waapa huli a pela nohoi me na mokulele. Ma ka poalua mai i hoomaka hou ai ka huliia ana, a o ka hopena ua loaa aku kahi mokulele mawaena o ke kowa o na kuahiwi o Maunakea ame Maunaloa. O ka mokulele kai loaa aku a o ke kino o ke pailaka, aole. Aole no i pau ka manaolana o ka mea i loaa ai ka mokulele. Ua ma nao no oia aole i make ke pailaka. {illegible} ka mea aole no i poino loa kahi mokulele. Ua hoomau ia no ka huliia ana o ka hopena ua loaa aku la ke pailaka e ola ana no. Ua loaa nae hoi iaia ua palapu ma kona kino. Ua haalele aku oia i ka mokulele a hoomaka mai e imi i kona alahele e hoea ai i Hilo nei.