Ka Hoku o Hawaii, Volume XLI, Number 27, 11 August 1948 — Na Meahou O Ke Ao Nei [ARTICLE]
Na Meahou O Ke Ao Nei
HOEA MAI I HILO NEI Ma ke kakahiaka o ka Poaono aku nei i ku mai ai i Hilo nei he eha mau moku kaua o ke Aupuni o Pilipino, no ka hoohala ana i kekahi mau la. O ke kolu iho la keia o ka manawa o ke ku ana mai o keia mau moku i Hilo nei. Aia no hoi lakou malalo o ka hookele ana Komedoa Carlos Albert. Ma ke kakahiaka mai o ka Poa kahi i haalelle ihoai ua mau moku nei. EMI LOA KA WAIWAIIO KANAHAI, Kina. Ua loaa maila ka hoike no ke emi hou ana iho la o ka waiwaiio o ke dala Pake e like me ia i hoike ia maila e ka Makeke Eieele o Peiping. O ka waiwaiio o ke dala Pake ma Peiping, ua hiki aku la ma kahi o ka 10,500,000 i ka $1 Amelika. Ma Kanahai ael, o ka waiwaiio he 10,000,000 i ka $1 Amelika. I na o kela dala ma Hawaii nei alaila e kapa ia ana na kanaka o Hawaii, he poe Onamiliona wale no a no ka mea he nui hewahewa maoli ke dala Pake, aka, nae hoi, o ka waiwaiio he haahaa loa.