Ka Hoku o Hawaii, Volume XLI, Number 27, 11 ʻAukake 1948 — Lilo I Ke Kai [ARTICLE]
Lilo I Ke Kai
Ua huli ia mai nei ke kino o kekahi kanaka ma ke Kaikuono o Hanauma, mamuli o kona poi ia ana e ka nalu iaia e lawaia ana a haule iloko o ke kai a o kona ike hope loa ia ana ia. E like me ka moolelo o kela ulia, ua hele aku kela kanaka no ka lawaia ana ma kekahi wahi o ke kaikuono o Hanauma. Iaia ka e nanea ana i ka lawaia ana o ka wa iho la no ka ia i ohu mai ai kekahi nalu a pa ua kanaka la, a haule oia iloko o ke kai. E like me ka hoike a na poe e kokoke ana malaila, aole ka oia i ike hou ia a hiki wale i ka hoike ia ana o ka lohe i ka oihana makai. Ua hoea aku na makai me na poe o ka oihana kinai ahi no ka huli ana i kona kino. Aia no la hoi ka poino ma na wahi apau.