Ka Hoku o Hawaii, Volume XLI, Number 12, 1 October 1947 — Ka Uwapo Kuhio [ARTICLE]

Ka Uwapo Kuhio

Mahope iho o ka luku ana a ke kai hoee i na wahi like ole o Hilo nei, ua ulupa pu ia aku ka uwapo Kuhio a koe olohelohe ka uwapo aole he hale. He hookahi ola i poino ma ua uwapo la i ka wa a ke kai i pii mai ai. Mahope iho o na hana a ke kai, ua hoomaka hou ia ka hana ia ana o kahi e holo ai o ke kopaa mai ka hale hoahu kopaa aku a hoea i ka moku. I ka loaa ana iho nei o ka haawina dala e hana hou ia ai ua uwapo nei, eia ka moku eli awa o ka Hawaiian Dredging o. ke hoonee nei i na hana no ka hoohohonu ana i ke awa ma kahi o ka Uwapo Kuhio.

Ia manawa hookahi nohoi e eli ia nei ke awa, ke hoolala pu ia nei nohoi e kukuiu i hale hoahu maluna o ua uwapo nei. E like me na mea i hoike ia ae ,e hoakea ia aku na ka hale hoahu o luna 0 ua uwapo nei, Mamua aku nei, he hapa wale no o ka uwapo kai hookoe ia no ka ukana, a o kekahi hapa aku he wahi e hoahu ia ai ke kopaa a moe iho_ la ke alahao mawaenakonu. I na e hoopiha ia ana kahi e moe nei ke alahao a iliwai alaila e akea loa ana ka uwapo a akea pu kahl e hoahu ia ai ka uk>.na mai na moku mai. O ka loa o ka uwapo Kuhio ua hiki aku ma kahi o ka hookahi tausani kapuai a oi aku. Eia ka moku eli awa ke hoohana ia nei i ka po ame ke ao, a ua pomaikai nohoi kekahi pee 1 ka loaa ana o ka hana a ola ka nohona o ka ohana. O na poe aole o lakou mau ohana e Hke paha me ka wahine, mau keikl, aole e loaa ka hana. Ke neemua nei no o Hilo, E kakali aku auanel hoi kakou i ka e hana ia ai ka paia ma ko kaikuono o Hilo nei no ka pale ana i ke kai hoee o keia mua aku. Aole no pal\a e pakkana loa ana o Hilo, no ka mea, aia k& mnliwai o Wailoa a kahi anaia a kē kai e hoona ai a lialana pu ana ia loko aina. Na keia mua aku nae hoi ē hoike mai.