Ka Hoku o Hawaii, Volume XLI, Number 6, 27 February 1947 — Hauoli Makahiki Hou [ARTICLE]

Hauoli Makahiki Hou

O ka hele aku nohoi ia a ano pio !oa aku ka uwiuwiki ana o kahi Hoku a ioaa hou kahi kakalina a i ole uwila paha a lele hou kona wahi malamalama ma na kihi eha 0 keta mau Paemoka aloha o'kakou. NOLAILA, o ka aloha HAUOLI MAKAHIKI HOU no kakou e na makamaka heluhelu o KA HOKU O HAWAII, Ae, he mau mahina loihi keia akahi no a oili hou aku kahi Hoku imua o_Jto oukou mau ipuka hale. Ua minamina no i ka hiki mau ole aku, aka, ua ike no paha oukou a ua hoomaopopo pu nohoi i ke kumu o kona hapaku'e ana. I holo no ka moku ika loaa oka mea nana e hookaa 1 kona mau mea paahana, a pela no me kahi milimili a kakou. Ke manaolana nei nae hoi e hala ana kekahi mau manawa o kona hoomalamalama ana aku i ko oukou mau noonoo pakahi. Ke manaolana pu nei nohoi i na aole e loaa kekahi kuia alaila e hoopuka ia aku ana na kanawai o keia Kau Ahaolelo, aka i paa mai no ka Ua o Hilo, alaila, e noho hou ana kakou iloko o ka po.uliuli a he hoa-a ko laila. Mai nohoi a ohumuhumu iho no ka akahi no a puka aku kahi Hoku i o oukou la, a mai nune no kahi auhau o kahi pepa, a no ka mea, ma ka noonoo i&na o kahi kianoe nei, ua hoihoi hou ia aku na wahi kenikenl a kekahi poe i hoomanao mai ai no ke ola o ka lakou mau pepa, a no keia kumu, aole i maopopo ka loihi o kona manawa e kamau wahi aho ,ai. Nolaila, e Hauoli Makahiki Hou no kakou, me ka manaolana e mau-u iki* ana kahi puu i hele a maloo i na wahi mea ono o nem mau la e nee nei. «