Ka Hoku o Hawaii, Volume XL, Number 18, 29 August 1945 — Ka I'a Ma Saipan [ARTICLE]

Ka I'a Ma Saipan

Oiai kakou ma Hawaii nei e uwe nei i ka nele i ka i'a, aka, ma kekahi mau mokupuni i Hlo pio mai na Amelika, he nui ka i*a. O na kamaaina na poe lawaia a pela pu no me na Kepani.

• I ka wa i hoomaka a na Amelika e pae aku ma Saipan, ua luku a ua hoopiholo ia he nui a lehulehu o na waapa lawaia malaila.

I ka lilopio ana mai o Saipan ia Amelika, ua hoala hou ia ka oihanalawaia Ua hooiana hou ia na waapa lawaia a ua pahonohono ia e na Sela Ajmelika ame na Kepani. I ka . paa ana o na waapa ua hookomo ia na enekini i hana ia ma Amelika a holo aku ua mau waapa la no ka lawaia ana. O ka hapanui o na poe lawaia oia na kamaaina o S.aipan a pela na poe i lawe ia mai Okinawa mai. Aole na'e o lakou wale no ke holo i kalawaia, aka, e holo pu ana kekahi sela Amelika a i ole o kekahi aliikoa paha.

Ua nui ka i'a i loaa mai. e hiki ai ke hoolawa i ka lehulehu arae na kahua like ole. O ka i'a e loaa ana i keia poe, oia no ka ulua, ke aku, ke alii ame kekahi mauia e ae nohoi. Oiai, aole he mau halekuai lako lawaia malaila, ua hana na kamaaina i ka lakou mau makau mai na uwea piliha moe mai, a o ka lakou mau aho mai ha pulupuln aa lole mai.

Ma Hawaii hoi he uuku loa ka i'a e loaa nei mamuli mai no paha ia o ka lawa ole o na waa-* pa lawaia, a pokole pu na poe lawaia.