Ka Hoku o Hawaii, Volume XL, Number 13, 25 Iulai 1945 — Ke Kapu O Ka Po [ARTICLE]

Ke Kapu O Ka Po

I ka manawa i hahau ia aj o Puuloa e na Kepani a kau ia ai ke kapu o ka po i ka Jhora 6 :00 o ke ahiahi, ua hooko ka lehulehu i ke kanawai kapu. Aole i lohe ia ka hoohalahala ana a ka lehulehu, a mahope mai ua hoopanee ia mai i ka hora 8:00 aole no i hoohalahala ka lehulehu. Mahope mai, ua hapai hou ia a i ka hora 10;00, a pela i kau ai ahiki wale mai nei no a hiki i ka hoopau loa ia ana iho nei.

la manawa na'e hoi e kau an§ ana ke kapu ika hora 10:00, ua lohe ia aku no ka lehulehu e ninau a hea la e hoopau loa ia ke kapu o ka po> Ua lohe ia no ka manao 0 kekahi poe e olelo ana he mea pono no e kau ia no pela a hiki i ka pau ana o ke kaua. Ua hoike ae lakou 1 na e hoopau loa ia ana ke kapu o ka po, alaila, e nui ana na poe e maau hele ana i na manawa o ka po a e nui ana na poe komo wale maloko o na home. I ka manawa na'e hoi i hoolaha ia a'e ai ka lohe no ka manao ana o Kenelala Richardson e hoopau loa i ke kapu a e noa ka he]e ana o na poe ma na alanui mahope aku oka hora 10:00 oka po, Ua nui no na poe i hoakaka a'e i ko lakou manao, e olelo ana e hoomau ia no e like me mamua. Ua manao ia he hoonui ana aku no ia ika hana a na makai, a o kekahi poe ua hoike a'e i na e noa ana, alaila, e nui ana na koa e maau hele ana i na hora

apau o ka po. O kekahi poe hoi, ua hoike a'e no lakou he maikai no e pau ke kapu o ka po. Mahope iho o keia ua kukala maila o Kenelala Richardson, no ka hoopau ia ana o ke kapu o ka po i ka hora 10:00 a e noa hoi e like me ia mamua o ka hahau ia ana o Puuloa.

Ua hiki ole i ka lehulehu ke kue aku no ka mea aia ia kuleana i ka Oihana Kaua. Ia manawa pu nohoi ua hoike o Kenelala Richardson, o keia pau ana oke kapu o kā po ho na poe kiwila wale no, a o na poe o ka oihana kaua e kau no ke kapu maluna o lakou i ka hora 10:00 o ka po a koe na poe i hookuu ia me na palapala hookuu. Ua hiki ia lakou ke hele e like me na poe kiwila. Ua lohe ia no na manao apono o kekahi poe no keia mea. Aole no nae i pau loa na poe ike apono i keia mea. Ua hoike a'e lakou," heaha hoi ke kumu e ae ole ia ai na Sela Koa ame Marina, e like me na poe kiwila?" Ua nui ka hoohalahala oia poe. He kakaikahi wale na e hoi oia poe hoohalahala. He hoohalahala kumu ole na'e hoi ka lakou. Na keia mua aku e hoike mai ina no ka loaa oia haawina hookahi i ka oihana kaua.