Ka Hoku o Hawaii, Volume XL, Number 10, 4 July 1945 — Haaheo, Hawaii I Kana Mau Pua [ARTICLE]

Haaheo, Hawaii I Kana Mau Pua

I kau aela makou i kela poomanao maluna a'e no kakou e ike a e hoomaopopo ai i ka hana a kekahi mau pua Hawaii i lawelawe ai a e lawelawe mai nei ma ka moana ame ka aina. He mau hana hoi a kakou e ka lahui Hawaii e haaheo ai.

Ma na nupepa e puka mai nei e ike iho ana no kakou, o na ano nui e hoopuka ia mai ana, oia no na mea e pili ana i na koa Hanauna Kepani. Aole hoi he lohelohe wale ia o na mea e pili ana i na keiki Hawaii. Eia \yale mai nei no a'pau ke kaua ma Europa i hoopuka ia maila na mea e pili ana ia lakou.

Ma ka hoike ae a kekahi aliikoa nui aia he 40 mau keiki Hawaii iioko o kona puali, a ua haaheo oia no lakou, a no ka mea he poe makau ole a ua kau ka weli o na Kelemaniā ia lakoii'; Ona kumu, malia paha ua lohe wale no lakou he poe ikaika na Hawaii e like paha me ke kaulana ana o ke Alii Kiamehameha,

O kekahi, oia no ka pua a Maui, o Kapena Frank Cockett i hoohanohano ia mai nei ma Palani, me ka haawi ia ana e ka medāl kiekie loa o ua aupuni la maluna.ona no ka hoohanohano ia ana hoi me na lula o ua aupuni la, oia mahope iho o ke kau ia ana o ka meeiala, ua kau pu ia mai ka oi o na pahikaua ma kona mau poohiwi a o ka hope ua honi ia mai oia e ke aliikoa nana i hoohanohano mai iaia. Haaheo oe e Maui nui o Kama.

O ka lua oia no o Comdr. Gordon Paiea Chung-Hoon, ke keiki aloha o William Chung-Hoon Jr., Puuku Kulanakauhale ame Kalana o Honolulu. Aole i lohelohe nui ia nona, oiai, oia iloko o ka oihana kaua moana. Eia nae hoi, e like me na mea i hoolaha ia a'e nōna, ua lilo oiā i mea nui i kona mau kanaka o kona moku. 'Ua hoike ia ae no kona wiwoole i ka hookele ana i kona moku no ka paio ana aku me ka enemi, oiai e haule iho ana na poka pa-hu a na mokulele Kepani. Mamuli o kona wiwoole i hoopuehu liilii ia ai na mokulele enemi. Ua hoopakele aku kona moku i na moku ukali ana. Oiai hoi ua loaa ka poino i konaTmoku, a me ia kulana i huli hoi aku ai oia no ke awa no ka pahonohono ana i kahi i poino. Aole he mau olelo e hoike ana no kona hana naaupo, aka, e mahalo ana i kona pookela ma ka hookele ana i kona moku. Haaheo oe e Oahu i kau pua. O ka hope, oia no ka pua au e Hawaii nei o Kaewe, oia no o Lukanela Charles Martin. O ka hanohano i kau aku maluna ona no kona hoolilo ia ana mai nei i poonui no ka Oihana Makai ma kekahi kulanakauhale ma Kelemania me ka huina o 60,000 kanaka. O ka li!o ana o keia opio i poonui no ka oihana makahi, aole ia he hanohano uuku mai. O ka mea paha ona i lilo ai i poo nui no ka oihana makai, mamuli no ia o kona makaukau i na mea e pili ana i na hana o ka oihana makai ma Hawaii nei. Nolaila, ma muli o ka hanohano i loaa 1 keia mau pua a kakqu, he hanohano pu no hoi ia i hekau iho maluna o ka lahui Hawaii, a haaheo pu nohoi kakou. E waiho pu aku nohoi i ka kakou mau leo pule no lakou i holopono ai ka lakou hookele ana i ka lakou mahele hana i haawi ia aku na lakoa e hooko.