Ka Hoku o Hawaii, Volume XXXIX, Number 52, 18 ʻApelila 1945 — Pauaho Mai La O Peresidena Rusavela [ARTICLE]

Pauaho Mai La O Peresidena Rusavela

īfn. Hk« me kn olapa ana a ka uwila, pela 1 pahola ae ai ka Jono hoolele hauli a punl ke ao holookoa, no ka pauaho ana mai o Peresidena Ru»avela i keia ola honua.

Ua like keia lono me kekahi puupuu mahanahana loa i"pa aku maluna o ka lahui Amelika holookoā a punī ke ao 'holookoa.

Ua pauaho mai oia mamuli o ka luai koko ana no na manawa lehulehu, oial nonae hol he maikai no kona ola kino a hiki i kona pauaho ana inal i kei-a ola honua ana.

Ua pauaho mai oia maloko o ka Hale Keokeo uuku. laia malaila a e heluhelu ana hoi i na meahou o kona poniuniu iho la no iai a kauoha koke ia kona kauka a eia nae aole oia I pohala hou mai a hiki 1 kona make ana.

Ua hoouna aku -kana wahine i ka lono kaumaha i kana mau keiki iloko o ka Oihana Kaua. Ua ku'i aku la nohol keia lono kaum-aha a lohe o Laāana, a ua loaa pu aku la no ka lono i na aupuni enemi.

I ka pahola ana ae o keia lono kaumaha, ia no i hoohiki ia aku ai o Hope Peresidena Truman i Peresidena no Amelika Huipuia. Mahope o kona hoohiki ia ana i peresidena. Ua kukala ae oia o na kuhina apau a Peresidena Rusavela i hookohu ai e paa no lakou i ko 1-akou mau kulana pakahi a e kokua iaia ma ka auamo pu ana i keia hana nui i waiho ia iho e Peresidena Rusavela, a no ka lanakila o Amelika ame kona mau aupuni huiia.

Ua kau hapa ae na hae Amelika ma na apahu hae a puni b Amelika a hoea mai i ka moana Pakipika nei a hoea loa aku ma na kahua kaua i lilo mai i-a Ameiika. '

Ua hoouna ia aku a hoouna ia m-ai na olelo kalokalo o ke kaumaha nona mal na kahua kaua like ole ae.

Ua hala aku la oia no ka manawa mau loa, ua kuu ka luhi, ua moku iho la .ke kaula gula o kona ōla honua ana. Ua pau kona alakai -a hookele ana i kona lahui ame kona aiipuni aioha.

Ma ke kakahiaka o ka Poalima aku nei i malama a'e ai ka Hoomana Kakolika he pule Mekia no ka Peresidena. Ma ka Poaono nei i malama ia ai kona anaina hoolewa maloko o ka Hale Keokeo, ke kapikaia o Amelika holookoa,

Mamuli o ka pahol-a ana a'e o keia lonō kaumaha, e pili ana i ka pauaho ana mai o ka peresidena, ma ia j)o 'ho ua paa na kalapu like ole a puni ka aina no ka hoomanao ana laia. Ua komo aku ke aupuni holookoa ma ke kanikau ana nona, he kanaka hoi i lilo l alakai no ka Lahui Amelika no keia mau makahiki loihi.