Ka Hoku o Hawaii, Volume XXXIX, Number 52, 18 April 1945 — Ua Hala Iho Nei He Kanaka Nui [ARTICLE]

Ua Hala Iho Nei He Kanaka Nui

Ua hala iho nei he kanaka nui, a aole ma ke kino, aka, ma ke kulana. O ua kanaka la, oia no ko kakou Peresidena i aloha nui ia £ ki lahui, mai kekahi kihi a kekahi kihi o Amelika Huipuia. He kanaka nui o Peresidena Rusavela ma kona kulana a i lilo 1 alakai nui no ka lahui Amelika no umikumamalua makahiki, a o ka hoomaka ana hpi keia o ka eha o kona kaU malee ano he alakai nui no ka lahui Ameiika. u _ He o Rusavela, i kāukai a i haawi iaia iho malalo o ke alakai ana a kekahi mea i oi e mamua ona, oia no ke Akua CMa. He kanaka haip.ule a he kanaka hoohaahaa iaia iho. No ia mau ano kulana la i ume ia aku ai ka manao pilipaa 0 kona lahui iaia. He kanaka noonoo akahele, aole hoi he puapuahulu wale. Ma kana mau hoolala ana a hookele aupuni ana, ua holomua no ia. A'ole hohoi i lohe ia aku na olelo e ahewa ana iaia, a koe wale no paha ma na hana kalaiaina. He mea maa mau na'e hoi ia ma na hana kalaiaina, i ka hoao ana o ka hoa holo moho o ka imi i ke kee o kona holo moho. Mamuli o ka manao maikai o keia Peresidena, ua kauoha ae oia o na loaa apau mai na hoomanao ana i kona la hanau, e holo ia no kekahi hana kokua no na poe 1 loohia i kekahi ano mai e laha nei maluna o Amelika holookoa.

Ma na ahā kukakuka i malarrxa ia ai e na maua nui ekolu o na aoao huiia, ua lilo o Peresidena Rusavela i alakai a i kuhikuhi puuonu no na mana nūi ekolu. He kanaka haipule no o Peresidena Rusavela, a ua hoolilo o Rusavela i ke Akua i kukui malamalama a i alakai nui nona. Me ia kulana.no oia i paa ai a hiki wale no i kikoo ana mai a na lima menemene ole o ka Anela o ka make, a o-u ae la i ka hanu ola, mai loko ae o keia kanaka nui.

Ua lilo kana mau hana i kukui malamalama no kona lahui aloha, a e lilo hoi ia i kia hopmanap np ka lahui Amelika.

Ua lilo kona inoa i mea aala iloko o ka puuwai p ka lahui Amelika. No ke ala o kona inoa i hoomau ia ai oia i Peresidena a i alakai nui no ka lahui Amelika, a oia wale no ke kanaka i paa i ka hoeuli o ka hookele aupuni ana no ekolu kau a i ka eha nohoi, moku iho la ke kaula gula o kona hookele aupuni ana. # E ana nohoi kana mau hana i mea na ka lahui Amglika e poina ole ai. " O ka makou e iini nei e uhai aku kona pani i kanaka e hoopiha ana i kona makalua me ka hooppnp loā a e lawelawe ana i ka hana e like me ka mua iho la i lawelawe ai.