Ka Hoku o Hawaii, Volume XXXIX, Number 50, 4 April 1945 — Wehe Ia [ARTICLE]

Wehe Ia

Ma ka la 17 iho nei o Malaki ia ai ka" Halau hou o ka Hui U. S. O. o Hilo nei ma ka Paka o Mooheau, a u-a malama na hana wehe no o ke komo pu -ana o na kanaka o ka oihana kaua ma na hana himeni ame puhi ohe. Ua kaa aku kahaiolelo wehe ia Konela Muller, ke poonui o na mahele kaua ma ka Mokupuni o Hawaii ame kekahi mau alnkoa kiekie e ae o ka oihana kaua o Amelika. Ma ke kakahiaka o ke Sabati ae, i wehe hamama ia ai ua naie la i na poe apau. Ua hiki aku ma kahi o ka 706 poe kiwila i komo aku no ka makaikai ana, a ua hiki aku ma kahi o ka 1,125 poe o ka oihana kaua i komo makaikai aku, O keia hale aole ia i like me kekahi mau hale U.S.O. e ae. O keia hale he wahi hoomaka a heluhelu buke no n& koa. O kekahi mau hale e ae, he malama ia na hana hulahula ame kekahi mau hana ae no ka hoohauoli a hooluana ana i na koa. O kahi nohoi ia a na kalapu e haawi ai i na hana hula Hawaii ame kekahi mau mea e ae no ka hoohauoli ana i ua poe o ka oihana kaua. Aole nae hoi no na aliikoa, he okoa no ko lakou wahi e iuana ai. O keia, no na poe kulona haahaa o ke kulana.