Ka Hoku o Hawaii, Volume XXXIX, Number 48, 21 March 1945 — Waiho Mai I Ka Hana [ARTICLE]

Waiho Mai I Ka Hana

Ma ka mahina aku nei o Pepeluali i waiho aku ai ka Rev. Charles K. Holokahiki a i kamaaina paha i na poe apau, o Rev. Charles Keahi, i kona ano he kahu no ka Ekalesia o Lihue, mahope iho o kona paa ana i kela kulana kahu no 26 makahiki. Ua paa pu nohoi oia i ke ktilaria lunakanawai aha apana no ka apana o Lihue no na makahiki he 20. E kokua ana nohoi oia i na ekalesia o Kapaa ame Anahola i na e makemake ia oia e haiolelo ma ia mau apana e na hoahanau oia mau ekalesia.

Ua hanau ia o Rev. CharleS Keahi Holokahiki ma Kohala. Ua lawelawe oia i ka oihana pena hale, mamua o kona nee ana aku no Honolulu no ka hoomakaukau ana iaia iho i kahuna.pule. Ua

puka mai oia i ka makahiki 1919 a ia manawa koke no i poni ia ai i kahu no ka ekalesia Hawaii ma Lihue, a ua paa hoi i ua kulana ala a hiki i kona waiho ana aku i kana hana. Ua liio nohoi oia i lunakonawai no ka aha apana o Lihue i ka makahiki 1925.

Ua keunaaina ka lunahopponopono o ka Hoku iaia i ka makahiki 1916 oiai ka lunaiiooponopono nei e noho ana ma Kohala ma ke ano he hope makainui no ia Apana nialalo o Makainui Saniuel K. Pua i paualio e mai i keia ola honua ana. He elua niau keiki a Rev, Holokahi iloko o ka oihana kaua, oia no o Joseph Kealii ame Elmer Keahi a aia nohoi laua a i elua ma Amelika. O kekalū keiki ana oia no o Nonnan, he h»a no ka Hui Kinai Ahi o Honolulu.

MAI POINA l KE KUAI ANA I BQNA KAUA. E kual 1 kel» ame keia manawa. Mai Uoohala i ke kual ana.