Ka Hoku o Hawaii, Volume XXXIX, Number 46, 7 March 1945 — E Hoopoina Ia Anei Ka Mea Uuku [ARTICLE]

E Hoopoina Ia Anei Ka Mea Uuku

Ua ike iho la makou maloko o kekahi o na nupepa namu o Honolulu, i ka hooholo ana rnai nei a ka aha senate no ka hoopii ia ne o na uku hana o na limahana e lawelawe mai nei i na hana oia kino. Me he mea ala ma ka lakou hoomaopopo ana ua nui nohoi ka hāna a na limahana oia kino, e pono ai e hoomahuahua ia ai ko lakou mau uku hana. He mea maikai no ka hoopii ana ae ika uku hana o na limahana. O ka olu nohoi ia o na limahana oia kino o ka mahuahua ae o ko lakou uku hana. Aole paha ia lakou wale no ia iini hookahi. He mea ia i iini nui ia e na poe apau, mai na poe i loaa na uku mahina. I na e loaa ana ia lakou na uku kuwala o kela ame keia mahina aole lakou e hoohalahala ana. O ka makou e noonoo nei no na limahana e hana ana ma na alanui ame kekahi mau hana e ae o ke aupuni kalana. E lawe ae kakou a noonoo i ka ukuhana o na poe limahana o na kalana, oia hoi na pee hana alanui. "'Ua lawa a.nei na ukuhana e uku ia nei ia lakou, e ola ai lakou me ko lakou mau ohana?" Ma ka makou hoomaopopo aku aole i lawa, a no ka mea he haahaa loa ko lakou mau uku hana, oiai hoi he wa pipii keia o na meaai ame na hoolimalima hal.e, O kekahi poe aole he hana a piha ka mahina. Nolaila, o kahi uku hana e loaa nei ia lakou aole ia i lawa no ko lakou noho ana me ko lakou niau o'nana. Nolaila, he mea pono e nana ia keia pilikia iwaena o na limahana. E pono no paha ka ahaolelō e lawe i keia mea a e noonoo no ka pono o keia poe. Aole hoi o ke koi aku i ko lakou nei mau paloka a i ka puka ana a hoopoina iho la i na poe liilii. Aia ka pomaikai ame ka lanakila o na poe e aluaīu ana i na kulana like ole i na poe liilii. I ka puka ana iho Ia nae hoi. ua hoopoina ia iho la ka pono o ua mea liilii ala. Nolaila, mai hoopoina i na poe ukuuku. Ua like no lakou me kakou. O kou hoopoina ana ia lakou, o ka hoopoina pu ana no ia ia kakou iho. Ua oki pu ae oe i ka pomaikai e loaa ana ia lakou ame oe.