Ka Hoku o Hawaii, Volume XXXIX, Number 39, 17 January 1945 — Mai Lalama Wale [ARTICLE]

Mai Lalama Wale

Miimuli o ka make ana mai nei o kekahi kanaka, a limuhaua alaiiui no ke pa4iu ana o kekahi poka i loaa aku iloko o ka lepo, ua manao makou he mea pono na makou e hoopuka aku ai i wahi no ka lehulehu e ike a hooinao-popo ai i ka poino o keia mau mea e loaa ana ma na wahi like ol«.

iVia kekahi manawa o kela pule aku nei i loaa aku ai kekahi poka i kekahi iimahana, a ia lakou e kakali ana no ka hoea mai o ke unu no ka lakou wahi e hana ana, ua manao iho la ka mea i loaa ai o ua poka nei, e hoomaemae i ka lepo maluna o ua poka nei, a iaia i kipope iho al maluna o kekahi mea 'paa o ke pa-hu ae la nu ia a poino ma'u wale ke ola o kela kaiiaka. He mea keia e a'o mai ana ia kakou i na e loaa kekani mea o keia ano mai lalama wale ka lima a hoao e hoomaemae ae ma o ke kipopo ana aku iluna o kekahi mea paa, a no ka mea he hopena poino ke loaa mai āna. Aole keia o ka mua loa o ka poino ana o ke ola o kekahi mea mamuli o ka loaa ana o na poka ame na mea hoopa hu. He manawa ae nei i hala ua loaa aku kekahi poka pa-hu i kekahi kamalii, a ua hoomakā lakou e paani me ua mea hoopa-hu la a o ka hope ua muumuu ka Hma o kekahi. Ua ike nohoi kakou, he manawa keia eia kakou iloko o ke kaua, a ua piha mai ka aina i na koa, a i kekahi manawa e haule ana keia mau mai ia lakou mai, I ka loaa ana hoi keia i na poe kiwila ua manao iho la lakou, aohe he poino oia mea, no. ka mea, ua kiola ia. Eia nae hoi aole i kiola ia aka, ua haule. Noiaila, e lilo keia i mea e a'o mai anā ia kakou opau, i na e loaā na mea o keia ano, o ka hana pono Vvale no e hoike āku i ka oihana koa e hoomoana ana ma kahi e kokoke ana i kou wahi e noho ana a i ole e hana ana paha. _ I na kakou e lawe ana a malama i keia mau olelo a'o, aole ana e loaa kekahi ulia poino ia kakou a i ole i ka kakou mau keiki paha, No ka pono o ka lehulehu ke komo pu nei makou e haawi aku i na olelo a'o i na poe apau.

E hoomanao i kela mele kaulana, "E nihi ka hemai hoopa; mai pulale i ka ike a ka maka." Aia ka poino ilaila kahi i hoopue ai.