Ka Hoku o Hawaii, Volume XXXIX, Number 33, 6 December 1944 — Kupaianaha Na Hana [ARTICLE]

Kupaianaha Na Hana

Ke hele mai nei ke ano o na kanaka i keia manawa, a loii loa aole hoi e like.me na mea i hana ia i ke au kahiko, Malia paha hoi 5 e like me ke ano o ka nee ana o ke au o ka manawa, pela no e Joli pu ai na rnea apau. I ke au kahiko oia hoi i ka .va o ria kupuna o kakou, he ano eehia loa na hana laahia o ka berita mare. E like me na mea i hoike ia mai ia makou i ka wa o kekahi kane e makemake ai i kekahi wahine, he ano ihiihi loa ko ia manawa. Aia no ko laua hui kekahi me kekahi a mahope ih.o o ko laua hipuu ia ma ka berita maemae o ka mare. Mahope mai, ua,loli ae, a hiki wale mai nei no i keia|nanawa, 0 na mea hope loa i hoikeia maila, oia no ka hoolilo ia ana niai nei.o kekahi mgtu mea i kane a wahine, ma o ka malama ia ana o na hana berita o ka mare maloko o ke kelepona. Ua hoopalau kekahi mau opio oiai laua ma Amelika, a aole nohoi i hooko ia ko laua mare ana, no ka mea ua komo maila ke kane iloko o ka oihana kaua moana, a hoi maila ā noho ma Puuloa, Hawaii nei. No elua makahiki ko laua noho kaawale ana kekalii me kekahi, a o ka hope ua hooholo laua e mare ia laua maloko o ke kelepona, Ua loaa ka laikini mare i ka wahine oiai oia ma Amelika, a ua hoao ia 'hoi e loaa ke kane ma Hawaii nei, a no ka hiki ole, ua hoopanee ia. Ma kela pule aku nei, ua hoao hou maila ka wahine e kelepona a loaa ke kane hoopalau, a ua ku maila ke kahunapule a heluhelu i na laina no ka hipuu ana ia laua maloko o ke kelepona, a kukala maila no ko laua lilo ana he kane a wahine. * ' 1 ka hooki ana o ke kahunapule i kana oihana, ua ku maila ka wahine a olelo maila i ke kane, "I keia manawa ua hiki ia oe, ke hoi aku a hoike i kou mau hoaloha, ua mare oe i ka wahine." O ka mea hea hou aku la koe e hana ia aku ai. Ma kekahi manawa i hala ae nei, ua mare ia kekahi mau mea maluna o ka mokulele. Aōle nohoi he pilikia loa oia mea, no ka mea aia ke kane imua o ka wahine, o keia hoi he mau tausani mile ka mamao o kekahi mai kekahi aku"