Ka Hoku o Hawaii, Volume XXXIX, Number 30, 15 Nowemapa 1944 — Hoi Maila Ka Malie [ARTICLE]

Hoi Maila Ka Malie

Ua hoi hou maila ka malie a pahola iho la maluna o ka mokupuni o Hawaii nei, mahope iho o ka pahola ana iho nei o ka ino kalaiaina apuni keia Teritori holookoa. Ua pii ke kai a pa i kumu pali iloko o na hana kalaiaina no na mahina i kaahope aku la. Ua kahe maila nohoi ka wai me ka ikaika a huluiia maila na mea apau a pae ana i kahakai. I ka emi anaiho o ka wai a i ka hoi ana aku o ke kai a i kona ano mau, ua waiho mokaki iho la na piha-a i kahaone. I ka wa hakoko kalaiaina iho nei o kakou, ua hue ia maila na mea pilikino iloko o na moho kalaiaina like ole, e hoino aku ana kekahi i kekahi a pela wale aku. I ka pau ana iho nei nohoi o na koho wae moho ame koho nui a lanakila na poe i lanakila a haule nohoi ka poe i haule, ua hoi maila na mea apau e like me mamua, me he mea ala, aole i malamaia iho nei he hakoko kalaiaina. He mau mahina helu wale no koe a noho mai na poe hou ma na kulana like ole o lakou i kohoia ai, a o na poe mua nohoi i koho hou ia ai no ka hoomau ana aku i kā lawelawe ana i ka hana .a lakou i lawelawe ai i na makahiki i* hala aku. Aohe he hana i koe aku, o ka waiho aku a nana aku i ka lakou hana ma keia makahiki ae. E lilo pu nohoi kakou e ka lehulehu i mau iunakanawai a e nana ana hoi i na e_pono ana ka lakou hana. I na aole e pono ana ka lakou hookele hana ana, alaila e pani i na pepeiao o kakou i ko lakou hele mai imua o kakou a noi i na balota. Pela nohoi na p>oe e hele ana i ka ahaolelo i puka iho nei. E nana i ka lakou mau hana iloko o ka ahaolelo. I na no e pono ole kakou ia lakou ma ka ahaolelo, e haawi aku no i ka laau hahau ia lakou, i wahi e ike iho ai I ka lakou i hana ole ai. O'.ka makou e iini nei a hiki mai i ka wa a lakou e hele aku ai i ka ahaolelo, e hooko pololei hoi i ka lakou i hoopaa aku ai imua o ka lehulehu. Nolaila, s ua hala aela ka ino hooili kalaiaina a hoi hou maila e īike me mamua, e hoomau aku hoi i ua malie ala.