Ka Hoku o Hawaii, Volume XXXIX, Number 29, 8 November 1944 — No Ke Kulana Lunaleka [ARTICLE]

No Ke Kulana Lunaleka

Ma kela mau pule aku'nei i pauaho mai ai o D .A. Devine7lca Lunaleka O Hilo nei, i keia ola llonua ana, a waiho hakahaka iho la ke kulana lunaleka o Hilo nei aohe lunaleka. Oaī no nae hoi aia no he hope lunaleka no keia apana, oia no kekahi keiki Hawaii, i pa ia kulana no kekahi mau makahiki lehulehu, a aole nohoi i manao ia, a hopmaopopo ia paha keia kanaka Hawaii. Akahi no a hoala ia maila a i ole noonoo ia maila keia Hawāii i paa i ke kulana hope lunaleka no Hilo nei no na makahiki lehulehu. Ma kela pule aku nei, ua hoala maila ka Hui Kalepa Opio o Hilo nei, e noonoo ia a e kakoo ia aku keia kanaka Hawaii i lunaleka no Hawaii nei. Ua waiho pu ia aku ka inoa o keia kanaka Hawaii imua o ka Hui Kalepa Makua 0 Hilo nei, a ua kakoo a apono lakou i ka inoa o keia kanaka no ke kulana lunaleka no Hilo nei. O keia Hawaii 1 paa i ke kulana hiope lunaleka no Hilo nei, aole ia he mea okoa aku aka, o Mr. Jesse Nohoikaiu no ia. He kanaka i makaūkau i ka lawelawe ana 1 na hana o loko o ka haleleka o Hilo nei, a i noho lunaleka kuikawa nohoi i ka wa i kaawale aku ai na lunaleka mai ka haleleka aku. Ma ka noonoo ana, ke apono loa nei makou i keia inoa i na e waiho ia aku ia Wakinekona, no ke apono ia mai e lilo i lunaleka. A hiki wale ka hoi i kekahi poe e aku i makaūkau ole i na hana o loko o ka haleleka ke paa i na kulana lunalekn, a pehea hoi ke kanaka i lawelawe hana no na makahiki lehulehu, a i ike a hoomaopopo i na hana o loko o ka hale leka. He mea pono nohoi e kakoo a apono ia keia inoa a e hoouna ia aku i ke Kuhina Haleleka a i ole i ka Peresidena no ka hookohu mai ia Mr. Jesse Nohoikaiu i lunaleka no Hilo nei. Ma ka moolelo o ka haleleka o Hilo nei, ua noho hope lunaleka aku o Jesse Nohoikaiu, malalo o elima paha lunaleka, a iwaena o keia mau lunaleka he hookahi 0 lakou he opio wahine Hawaii. O keia no paha kekahi kanaka hoopono i lawelawe 1 ka hana me ka hoomanawanui a hoopono. Aole he kinaunau i ike ia maloko o kona keena hana. He hanohano nohoi keia no kakou na Hawaii i na e loaa iaia keia kulana lunaleka. He kanaka kulana hoohaahaa. aole hoi e like me kekahi poe, he ano haanui a hooio. O keia aia wale no Ika malie ke ano oka lawelawe hana ana a kakou nohoi e hiki ole iho ai ke olelo ae he kanaka hookano a poo pehu. Me he mea la ua hiki aku ma kahi o ka 26 makahiki o kona paa ana i ke kulana hope lunaleka no Hilo nei. 'Ua noho hana nohoi ma ka haleleka o Honolulu mamua aku o kona hoouna ia ana mai 1 Hilo nei. Nolaila, ua kupono maoli no oia e lilo i lunaleka no Hilo nei. Ke lawelawe nei nohoi i ke kulana lunaleka no Hilo nei, no ka manawa kuikawa a hiki i ka loaa ana o ke kanaka ma kela wahi. i O ka makou e iini nei, e loaa iaia kela kulana mc ke kokua pu mai o ko kakou Haku lesu Kristo ame lehova Sabaota iaia.