Ka Hoku o Hawaii, Volume XXXIX, Number 22, 20 September 1944 — Wahaolelo O Ka Lehulehu [ARTICLE]

Wahaolelo O Ka Lehulehu

Ua kāu āe la mafcou i kela poomanao maluna ae, i ike a i hoomaopopo ai kela ame keia, aole keia wahaolelo na na poe kakaikahi a i ole na kekahi aoao kalaiaina wale no, aka, no na poe apau he mau mano hoolaha ka lakou i makemake ai e hookomo mai a hoolaha aku. Aka, e hoomaopopo nae hoi kela ame keia mea e makemake ana e hookomo i kekahi aole makou e hookomo wale ana i kekahi hoolaha me jca uku ole ia mai. E likeme na h<«- -a 1 ; •;« nei ena nupepa namu he uku ka hoopuka ia anu kekahi mau hoolaha maloko oia mau nupepa pela no makou e auhau ai i ka mea e makemake ana e hoopuka i kekahi hoolaha. He nui no a lehulehu na poe i hoopuka a i ole hookoino mai i ka lakou mau hoolaha me keia manao paha e lilo hoi keia wahaolelo i wahaolelo no lakou ma na hana kalaiaina, a poina iho la i ka hoomanao ana mai i ka luhi a keia wahaolelo i hana aku ai no lakou. I na he manao hoolaha ka kekahi moho e alualu ana i kekahi kulana kalaiaina, a i makemake e hoopuka i kana hoolaha kalaiaina maloko o ka Hoku O Hawaii, i na paha he Repubalika a i ole E>emokalaka kona aoao kalaiaina, aole makou e hoole ana i ka hookomo ana, aka, e hoolele mua mai ko kapuahi. I holo no ka moku i ka lanahu a i oleikaaila. Aia no he mau moho e makemake ana i na balota no lakou, a ua manao lakou ua loaa wale na balota o 'na'Hawaii me ka ui ole mai i keia wahaolelo. Eia nae hoi ua hiki īoa i keia wahaolelo ke kulai ia poe i na makou e makemake ana e kulai ia lakou. Ma ka nana ana ua manao kekahi poe he hiki wale no ia lakou ke pulapu i na mana koho Hawaii. Ae, ua hiki no ia oe ke hana apakee i kekahi poe i kekahi manawa, aka, aole nae hoi e hiki ia oe, ke hana apakee 1 nā poe apau i na wa apau. I na aole oukou e ike ana i kekahi mau mea e pili ana i kekahi mau moho maloko o Ka Hoku, aole'no maikou. ia hewa, aka no lakou no. E nana pu nohoi i ka mea e kokua ana ia kaua Hawaii. I na aia he moho i makemake e hoopuka ia kana hoolaha kalaiaina ua makaukau mau makou e hoopuka aku ke poina ole mai nae hoi ua mea ala i ka luhi o ka hoopuka ia ana. E hui ae me Mr, Ēdwin M. Desha, ke poo hoohananui o ka Hoku O Hawaii. Aia no he poe i makemake e hookomo i kekahi mau hoolaha, kalaiaina, a ua makemake ole paha mamuli o ka manao ano pilikino.