Ka Hoku o Hawaii, Volume XXXIX, Number 20, 6 September 1944 — E Hookuu I Na Meaai [ARTICLE]

E Hookuu I Na Meaai

Ua malama ia mai nei kekahi hooponopono ana mawaena o Amelika Huipuia ame ke Aupuni o Sepania no ka hokuu koke ia aku o na meaai e paa ia nei e ua aupuni al& i hiki aku ma kahi o ka 10,000 a i ka 15,000 tona a pela me na lako o ka Oihana Kea Ulaula no ka haawi ana'aku i na poe makaainana e noho nei ma na wahi i hookuu laelae ia ae e na aoao huiia mahope iho o ka lilopio ana mai o Palani Hema i na aoao huiia. Ua kukakuka pu ia nohoi no ka hoohamama ana 'aku i ke awa ku moku o Barcelona 1 hiki ai ke komo aku na lako meaa* mai Amelika aku no loko o Palani Hema. Ua hoike ae o Kuhina Paniolo o ko na Aina e Jose Felix dele Queriea, e hoa-o aku ana o Sepania ma na ano apau ma kona aoao e hooko like me na aoao Huiia. Noloila, e ike mai kakou e ka lahui Amelika, ke ike ae Ia no kakou i kahi o na meaai e holo nei. E holo ana nohoi no ke kokua a hoopakele ana aku i na poe i nele. ma na aupuni a kaua mai nei. Aole nohoi kakou i nele loa ma Hawaii nei, e aho ka holo ana o kekahi mau meaai na ka poe nele.