Ka Hoku o Hawaii, Volume XXXIX, Number 20, 6 Kepakemapa 1944 — Ke Kahua Paani [ARTICLE]

Ke Kahua Paani

E like me ka nee ana o Jce au o ka manawa pela noKoi ke ano o ka nee ana o na mea apau, Ina kakou e hoihoi aku i ka manawa he kanalima makahiki i kaahope aku, e loaa ana no ia kākou k'a hoomaopopo ana o ka" hapanui o na poe e noho ana ma keia mau paemoku, he poe Hawaii, a he kakaikahi loa na lahui e, a i ka nee ana mai o ke au o ka manawa ua eml aku na Hawaii a ua hoomaka maila na lahui e e pii mahuahua, a hiki maila ia kakou i keia inanawa, ua loli loa ke aiio o ka ainā. la mau makahiki aole he ike nui ia na hana hooikaika kino e Hke me ko keia manawa. I keia manawa ke pahola nei na hana hooikaika kino a paani, ā no ka nui loa 0 ke kulanakauhale i keia manawa, a pela pu nohoi me ka pii mahuahua an» o na opio, ua lawa ole «a kahua i hookaawale ia ai no n4 poe e malama ai i na hana hooikaika kino a paani pu nohoi. Ke nana'aku i keia manawa, he ekolu a eha wale no paka no na opio ame na poe no apau e malama ai i na hana paani. Ua loihi pu nohōi kahi o keia mau kahua e ku nei i kaawale loa aku hoi mai kekahi mau wahi aku o ke kulanakauhale o Hilo nei. I wahi e maalahi ai ka malama ia ana o na hana hooikaika kino ma kela ame keia kahua, ua hoala ia ae la kekahi hoolala ia ana e wehe ae 1 ktkahi wahi ma Puueo a e hoolilo ia i Paka no ka lehulehu. He apana aina keia e kanu ia nei ike ko e ka Hui Mahiko o Wainaku, Ua manao ia he kahua maikai loa kela i na e ae iaana. Ua hiki no ke hoopalahalaha ia a e lilo ana hoi i kahua maikai loa. Eia kekahi mau palapala ke lawe ia nei maloko o na home like ole ma ka Apana o Puueo no ke kakauinoa ana a na poe e noho'nei malaila no ka ae ia ana e wehe ia o kela wahi i paka ma keia mua aku. He nui na poe i kakauinoa i ua mau palapala ala, e noi ana i kahua paani no na poe apau. Aole no makou kue ana i keia manao a 1 ole 2 keia mau palapala noi e lawe ia.nei, no ka mea i na nohoi e hiki ke 'hookaawale ia kekahi mau wahi e ae i mau paka pehea hoi e hikt ole ia ai keia wahi i paka no ka lehulehu. Kje kakoo loa nei Ka Hoku O Hawaii i keia manao i hoolala ia ai.

Ua noonoo mua ia keia mea i ka makahiki 1933 aole nae i hoohana ia, a i keia mau la ua hoala hou ia maila a ke hele nei na palapala noi e wehe ia i Paka ma Puueo nei. 0 kekahi mea e hoala ia mai nei i keia manawa oia no ka makemake iaana e hana i luawai auau no Hilo nei, a eia ke hoolaha ia mai nei no ka hoomaka ana o na komite e komo ma na kauhale o Hilo nei, no ke 1.101 ana i na kokua no ka hana ana i luawai auau no ka lehulehu. 1 na i loaa i kekahi mau mokupuni na luawai auau no ka lehulehu pehea hoi e loaa ole ai i keia mokupuni kekahi luawai auau. E Hke me na mea i hoakaka ia ae ai, aole he palekana o na kahakai no na poe e hele ai i ka auau. He inoino kekahi mau wahi, aia nohoi ka poino e hookokoke| mai ana ma ia mau wahi. Oiai keia kaua e hookokoke mai nei i ko kakou mau ipuka, aole he palekana o ka i hele ana ma na kahakai e auau ai. 'Ua hoike ia ae, he nui na poe nana e hoekauluna nei ia Hawaii uuku mai kekahi mau mokupuni e ae e like me Oahu ame Maui, a he nui nohoi na poe makaukau ma Hawp.ii nei, a no ka nele ana i ka luawai, aole e hiki ke! loaa kekahi moho kaulana mai Hawaii nei aku. Noiaila. o ka lua iho la keia o na mea e hoala ia mai nei. He mea hooikaika kmo nohpi keia, a he mea nohol , e hoonee mua ai i ka mokupuni o Hawaii. I na kekahi mea e makemake ana e liīo i hoa no ka hoonee ana i keia hana imua, aole i papa ia, t ua makaukau mau lakou e apo aku i ua mea la. ke haawi aku i kana kokua ma ke kala. | Mni hoole nae hoi i na mea e hooholo mua ai i ko kakou mokupimi nei. j