Ka Hoku o Hawaii, Volume XXXIX, Number 19, 30 August 1944 — Na Hoomaikai [ARTICLE]

Na Hoomaikai

Ma ka aoao o nu hoa o ka Ahahuina Euanelio o ka Mokupuni o Hawaii ame kona mau hoaloha, ke pahula aku nei niakou i ke Kahu, na Hoaha.nau, na makamaka

na lioaloha o ka Ekaiosia o Haili, i ka makou hoomaikai no ka oukou hookipa maikai no ka lawe ana aku i na panina hope o keia Aha me ka piha hauoli.

Ke hooia nei makou e hiipoi mau makou iloko o ko makou mau puuwai ia makou e huli hoi aku ai i ko piakou mau ekalesia like ole i ka uhane maikai o ka pili aloha ana e like me ka oukou i hoike jnai ai no makou.

Ē hookau mai ke Akua i na hoomaikai palena ole maluna o oukou. • Ke waiho aku n<?i me ke aloha, Komite hoomaikai; (Sgd) Rev. Samuel Keala, Lunahoomalu. Rev. Paul Morimoto, Lala Rev. Ernest K. Richardson, Lala,

Ke pahola aku nei ka Rev. Moku ame Harry K. Brown, na komite Ola o ka Ekaleaia p Haili i ka laua hoomaikai palena ole ana i na hoahanau, na makamaka ame na hoaloha, no ka lakou mau kokua aloha i panai mai no ka hoonee mua ana i na hana o ka Aha Mokupuni i malamaia iho nei ma ka Luakini o Haili ma kela pule aku nei.

Ua haawi mai oukou me na manao maikai a aloha no ka holomua o na hana o keia Ekalesia. Ao!e no 1 holomua na hana i malamaia ai i na aole ka oukou mau kokua ana, ma ke dala ame na hua lau oliva o ka haipule oiaio.

Ke hoomaikai pu aku nei i na poe i haāwi mai i ko lakou manawa kaawale, ma o ke komo pu ana hoi ma ka lawelawe hana pu ana. Na ke Akua no e kokx»a a hoopomaikai pu mai ia oukou i na wa apau.

Hoomaikai i ka Ekalesia o Haili ma-o kona Kahu, Rev, Moku, Komite Ola Hon. H£trry K. Brown, Hope; na Makuahine o Haili, na hoahanau, makamaka ame na hoaloha no na kokua aloha ma na mea e oluolu ai ke kino, ame ka hoomahala ana mai inahookipa pumehana aloha;

Nolaila, ke nonoi nei i ko kakou Makua Lani ma o lesu Kristo ko kakou Haku, a hoopakele, e haawi ina kokua piha pono maluna o oukou a e hoomau aku i ka Uhane lokahi ma ka hana.

Na na Ahahuina Kula Sabati & C. E., Mokupuni o Hawau. Ma o kona kakauolelo ala. (Sgd) William K. Kalaiwaa.