Ka Hoku o Hawaii, Volume XXXIX, Number 16, 9 August 1944 — Hoouweuwe Imua O Ke Ao Holookoa [ARTICLE]

Hoouweuwe Imua O Ke Ao Holookoa

I hoopukā ae la makou i kela poomanao maluna a'e i ike ai kakou. i ka manao nui o ua poomanao ala, a e ike iho ai hoi kakou i ke ano nui o ka hana i hana ia mai maluna o ko kakou aupuni ame ka hoopuka ia ana o na olelo hoouweuwe imua o ke ao holookoa no na hana i hana ole ia. Ua ike nohoi kakou a ua maopopo nohoi o na olelo i lawe ia aku aole he oiaio a i ole he mau hana imi epa no paha ia, i wahi e hookau ia mai ai na ahewa ia ana maluna o Aihelika, Ma kela mau la aku nei ua kukala ia maila malooko ōka radio no ka waiho ana aku la o lapana i kekahi hoohalahala ia Amelika ma o Sepania ala, e hoike ana no ka hana hoomainomo ia ana o kekahi o na Kuhina Kppani tne kona āha ma kekahi wahi o Europa. E ike nohoi kakou, aole he lono i loaa mai no ka hana ana o Amelika i keia hana maluna o kela kanaka, aka, o ka mea i maopopo ia kakou oia no ka hookau ana aku o na Kepani i na hana hoomainoino maluna o na kanaka Amelika i ka wa o keia mau kanaka Amelika i paapio ai ina Kepani. i: .'% < Aole lakou i nana i ke ola makamae o ke kanaka a ke Akua i haawi mai ai> aka } ua hoonana lakou i ko lakou inaina ma o ka hookau ana i ka hpopai o ka make maluna o na kanaka Amelika, I keia la ke uwe mai nei no ka hana ino ia ana o ko lakou kanaka, Poina koke iho la no i ka lakou i hana mai ai. Ua hoopoina iho Ia lakou i ka lakou i hana mai ai maluna o ka lēhulehu o na Amelika ma Puuloa. Me ke kukala kaua mua ole mai e lele kaua mai ana oia ia Amelika. Mai ka lani no a ka honua, kimopo maila maluna o na poe ma Puuloa. Aole nohoi o Amelika i hoohalahala aku imua o īapana ma o kekahi aupunl la no na hana pakaha wale i hookau ia mai maluna o na kanaka Amelika. » Ka hoouweuwe nohoi a ka I na o lakou keia aole e maliu ia mai ana, akā, huli mai ana a aka hoohenehene i na kanaka Amelika a e i mai ana he poe hupo na Amelika. "E like me ka lakou hana i hana mai ai, pela no auanei e panai ia aku ai."