Ka Hoku o Hawaii, Volume XXXIX, Number 15, 2 August 1944 — Ke Keiki Hoopono [ARTICLE]

Ke Keiki Hoopono

Ua ike iho la makōu rpā]oko o kekahi o na nupepa namu o kakou, no ka loaa ana mai nei o kekahi eke pakeke a kekahi kanaka i kekahi keiki Hawaii o 1 7 makahiki. Oka huina maloko o kela eke pakeke ua hiki aku i ka $570. I ka lele ana aku a kela kanaka mai luna aku o ke kaa ana e kau ana, ua haule iho la kana eke pakeke, rrte kā maopopo ole nae hoi ua haule iho, !a manawa hookahi no nae hoi, ua ike aku la kekahi wahi keiki Hawaii o 17 makahiki ika haule ana iho o kela eke pakeke. Ua lalau iho la o!a i ua eke la a.lele aku la mai luna aku o ke kaa hookahi a lakou e kau ana, a aku Ia e hahai mahope o ke kanaka nana ke eke pakeke. No ekolu hora ka hahai ana a kela opio, a e hele ana hoi ma na wahi āpau i manao ai e loaa ana ua kanaka nei, eia nae hoi aole i loaa ma kekahi mau wahi e ae, a o kahope ua loaa aku oia ma Kewalo. Ua haawi aku la.nohoi ua opio la i ua eke pakele la.

I ka helu ana iho keia a ua kanaka ala i na dala o loko o ua eke la, ua akoakoa no apau a pela me kekahi mau pepa e ae. Mamuli o na hana maikai a keia opio, a he hoaloha nohoi oia no kana keiki, ua haawi maila ua kanaka nei ma ke ano makana i keia keiki i ka huina o $50.00.

No ke ano hoopono o keia ople?, ua lilo ia i mea nana e hoopa aku i ka manao o ke!a kanāka, a haawi maila oia i kela huina o $50 me kona nana ole ae i na paha ua nui a 'i ole uuku paha. Aole nohoi i minamina iho kela kanaka ika nui o kana i makana aku ai i kela opio. Oka mea.nui iloko o kona puūwai oia no ke ano hoopono o keia keiki. O ka mea pno nui i loaa mai, e hoike ana no ka ikaika no o ke a'o ana a na makua o keia wahi keiki i na mea maikai apau. I na paha ia na kekahi poe keiki e aku a i ole poe nunui paha e hamau loa ana me ka hoike ole ae i ka loaa ana e kela huina dala mahuahua. Aole no kela he huina a uuku mai, aka, he huina mahuahua e loaa ai ka nalulu o kekahi mea ke nalowale. He mea keia e a'o mai ana i kakou e a'o pu i na keiki a kakou, e lilo i mau keiki hoopono, a mai laWelawe i na mea oia ano, o waia auanei ka inoa maemae o kakou na makua. O na anoano maikai i kanu ia iloko o kekahi keiki e ulu mai ana no ka mea maikai a e hua mai ana no ka hua maikai. Ē like no me kau i kanu aku ai pela no auanei oe e ohi mai ai. Hauoli nohoi kakou na makua Hawaii i ka loaa ana o na keiki maikai a hoopono o keia ano. Nolaila, ke haawi nei makou i na hoomaikai pālena ole i keia keiki Hawaii hoopono.