Ka Hoku o Hawaii, Volume XXXIX, Number 5, 24 Mei 1944 — Hoikeike Na Lani I Ka Nani [ARTICLE]

Hoikeike Na Lani I Ka Nani

I kau ae la makou i kela mau olelo maluna ae i wahi no kakou, ame kekahi poe e ae e hoomapopo ai i ka nani o ke Akua Mana loa, ame kana mau hana hoopahaohao, e lilo ai hoi ia mau mea i mau mea e hookaakaa ia ai na makapo o na kanaka e noho mai nei fne ka pouliuli o na maka o kb lakou mau naau.

Malia paha o nune iho kekahi poe, heaha hoi keia mau mea e kakau ia nei ?

Ae, aole no e maopopo ia keiua aia wale no a heluhelu i na mea e hoopuka ia aku ana maloko o keia wahaolelo.

Ma kekahi manawa ae nei i hala ma kekahi wahi kauhale o Ipswieh, ua hoike ae na kamaaina no ko lakou ike ana aku i ke akaku o lesu maluna o ka laau kea i ka lewa i ka manawa i haawiia ae ai kekahi hoailona no ka hoea aku o na mokulele enemi. Ua hoike ia ae he mau haneri poe i ike maka i keia hiohiona, a he moakaka loa hoi ke ike ia aku. Ua hoike ia ae ua ku maikela akaku no ka manawa 015 minuke. I kinohi ua ike ia aku ma ke ano he Kea keokeo nui a mahope mai ua ike ia aku la ke kino o lesu 1 ke ku ana mai. "Ua kulou ndhoi kona poo a o kona mau wawae ua kau pe'a ae—a ua hooia ae nohoi na poe apau i ike aku i keia hiohiona he pololēi ia. I ka manawa i ku maiai kela akaku a i kona nalowale ana aku aole i like me ke ao ka nee malie aku a nalowale, a o keia hoi, ua nalowale honua koke iho no. Ma ka la mahope iho o ka ikeia ana o keia mea kupaianaha ua hoea ae ma kahi o ka 800 poe maloko o ka luakini o ua w&hi kauhale nei, no ke ake ana e !ohe i na mea e haiolelo ia mai ana e ke kahunapule e pili ana i keia akaku i ike ia ai ma ka lewa, oiaino nae hoi he 500 poe ka piha maikai o ua wahi luākini nei. Ua hoike ae ke kahu o ua wahi luakini nei, he ouli maikai keia i hoikeia mai. Ua kaumaha nae hoi oia no kona ike maka ole ana. la kakon paha, hē mea ano hou keia, a ua minamina nui'hoi i ko kakou ike ole ana i keia hiohiona. Malia aia no he mea ano nui iloko o keia mau mea. He mau mea hoi e hoala mai ana i na manao o na kanaka, aole keia he manawa no ka noho hoopalaleha, āka, he wa kda no ka pepelu ana iho o na kuli a hoonani a hoomaikai aku i ka Makua Lani no ke kokua ana mai ia kakou. He hoailona hoi e paipai mai ana a e hoike mai ana no ko lesu molia aua i kona ola no ka hoopakeie anā i ko ka honua nei. E kono mai ana paha i na poe manaoio ē molia aku i ko lakou ola \ lanakila ai ka pono ame ka maluhia maluna o ke ao holookoa. Ua lilo maila nae wahi moolelo i mea na kakou e paio aku ai i na hana kipehi a pakala wale i ke ola o na poe e paepae ana i na hana maikai ame ka pono. Malia paha e like ole ana na manao hooakaka maluna o keia, mea. o ka makou hoakaka ana nae hoi keia, no ka mea, eia kakou iloko o ka mokomoko no ka loaa ana o ka lanakila ia kakou, a eia nohoi na aoao ku'e ke hooikaika mai nei e loaa ia lākou ka lanakila. Aia no he mahele hoole Akua, a ua ikaika a ua paa ko lakou manao e hoopio i ka !aha ana o na olelo a ke Akua, a aole nae hoi ia o ka manao o ke Akua Ola ua hoopaa oia, "O ka mea e noi aku ana ma kona inoa, oia kana e hooko mai ai. O keia iho la na mea i hoolaha ia ae ai. a i ike ia hoi, e kekahi poe a hui pu ia me kekahi o na koa Amelika e hoomeana mai'nei ma kekahi wahl o Enelani.