Ka Hoku o Hawaii, Volume XXXIX, Number 4, 17 May 1944 — Na Hana Kipi I Ke Aupuni [ARTICLE]

Na Hana Kipi I Ke Aupuni

Ua fawe maila makow i poomanao na makou i keia mau huaolelo e kau ae la maluna, i wahi no kakou e ike a e Hoomaopopo ai i ke ano koikoi oia mau hua olelo a e ike pu iho ai hoi i ka hana a kekahi poe kakaikalii 1 manao ai e hoopoino i ko kakou aupuni makua, a ia kakou pu no paha hoi kekahi. Ma kela pule aku nei ua paa ae he ekolu mau wahine o na hanauna i ka hopu ia no ka hewa KJPI, ma o ko lakou kokua ana aku i kekahi mau pio Kelemania a mahuka aku mai ko l§iua wahi e hoomalu ia ana. E Hke me na mea i hoike ia ae. ua pa'iia ke kii o keia mau wahine Kepani me keia mau koa pio, a e ike ia ana nohoi i ko lakou honi ana aku i kela mau kanaka. UaJipolako pu aku keia m&u wahine i kela mau kanaka me na kukui paa lima, ke kaa otomobile no laua e mahuka ai ame ka hoolako pu ana aku i ke dala ame na aahu. Mahope iho o ka loaa ana o keia mau mea i keia mau kanaka ua holo aku la laua no kekahi mokuaina e aku. Aole nae hoi i loihi ka manawa o ko laua hele lanakila ana, a paa hou i ka hopu ia. I ka loaa ana o na kii i paiia ia, ua lawa ia mau ike ma ka aoao o ke aupuni e hookau ai i na ahewa ana maluna o keia mau wahine. He mau kupa Amelika nohoi a lakou apau, a hopu ia no ka hewa kipi a ohumuhumu i ke aupuni. He hoike maopopo loa keia afa no ko lakou manao paa mahope oke aupuni e huli ku'e nei ia Amelika. 0 ko lakou ano Amelika oiaio iho paha keia la. He okoa ka olelo a ka waha, he okoa na'e hoi ka manao o loko. Ke koikoi loa ka hoopai o keia ano hewa. Ma kekahi ano, he mae wale no ka hoopai. Mamuli o keia hana a keia poe, he mea ia e omamaka hou ae ai rta manao ku'e a ka lehulehu ia lakou a i ole i na mamo aku a keia wahi aupuni e kaua mai nei ia kakou. He mea nohoi e a'o mai ana ia kakou e makaala loa i na poe o keia ano, ua like me ka omole, he pahee mawaho aka i na e naha, aia ilaila ka oi. Iloko o na hana maikai i panai ia aku ia lakou, he mea ole nae hoi ia. He poe luda lakou, he kumakaia.