Ka Hoku o Hawaii, Volume XXXVIII, Number 52, 19 April 1944 — Hoomanao Piha Makahiki [ARTICLE]

Hoomanao Piha Makahiki

He mea haule /lohoi ka hoomanao ana 'o kekahi kane, wahine a i ole keiki paha i kona la hanau a i ole piha jmakahiki, i na no ia kanaka a wahine paha he mea kino ikaika a palupālu paha, aole oia e nele ana i ka hoomanao ana i kona la piha imakahiki. He mea haule ole ia. Aka, aole makou e hooakaka ana no ke kinp kanaka ola, eia makou ke hoopuka nei i kekahi mea no kekahi mea mawaho oia. E like paha me ke kukulu a i ole hookumu ana o kekahi poe kakaikahi i kekahi hui a e like me, ka loihi o ke ku ana o ua hui ala. E like me ka loihi o ke ku ana o kekahi hui pela no ka pii mahuahua ana o kona moolelo. Eia imua o ke ao holookoa ke hoopuka mau ia nei kekahi wahaolelo i hoolaa ia no ka lahui Hawaii, eia nae hoi aole no ka lahui Hawaii wale keia wahaolelo e hoopuka ia nei, aka, no na lahui like ole. Ua ike no kakou i na makahiki i kaahope aku, he nui na Wahaolelo o ka lahui i hoopuka ia no ka pono o ka lahui Hawaii a mahope mai ua pau ae ko lakou puka ana no ka wa mau loa, a koe iho la he hookahi wale no wahaolelo 1 koe a oia no Ka Hoku O Hawaii e puka mau aku nei i kela ame keia manawa. Oiai he aiio ulolohi kona puka ana aku imua o kona mau makamaka heluhelu, aole nae hoi no ka papa pa'i nei ke kumu ulolohi, aka, e hoomaopopo nohoi kakou eia kakou apau malalo o ka oihana kaua, a aia ia lakou ke kuleana ma na mahele e halihali ana i na leka ame nupepa. E like me- ka manawa ikaika o kekahi kanaka e hoomanao ana ilo oia 1 kona la piha makahiki i kona manawa ikaika, a pela nohoi keia wahaqlelo i hoomanao ai i kona mau makahiki mua a hiki wale no i keia manawa e kuoe a ano palupalu hoi i keia mau makahiki. I na makahiki mua o kona puka ana aku imua o kona mau makamaka heluhelu, o ka manawa ikaika 110 ia, oia hoi he nui loa kona mau makamaka heluhelu a e like me ka nee ana o ke au o ka manawa ua emi mai kona māu makamaka heluhelu a e like me ka nee ana o ke au o ka manawa ua emi mai kona ikaika a hiki maila i keia manawa, ua emi loa mai ka nui o kona mau makamaka heluhelu. Aole nae hoi no ka emi ana mai o ka nui o na makamaka heluhelu he mea ia nona e hooki i kona oili ana aku imua o oukou. O ka piha ana keia o ke 38 makahiki o kona puka ana aku imua o oukou e na" makamaka heluhelu. Ua nui nohoi na makaliiki ana i alo hoomanawanui aku ai i ko oukou mau ipuka hale e kukala ana i ka ao holookoa i na meahou like ole. Nolaila, e na makamaka heluhelu o Ka Hoku 0 Hawaii eia mai ke oili aku nei imua o oukou kahi wahaolelo wale iho no i koe a ka lahui Hawaii a puni keia Teritori ame ke ao holookoa no. Aole nohoi makou e noi aku ana e haawi mai i makana la hanau no ka hiwahiwa a kakou, aka, e like paha hoi me ka haawi ana a kekahi poe i na makana la hanau no ka mea nona ka la, a o ka makou wale no e uwalo aku! nei imua o ko makou mau makamaka heluhelu, e hoomanao mai nohoi i kou aie i na he aie kou i ka hiwahiwa a ka lahui Hawaii a lahui Amelika no. Aole nae hoi e hiki ia makou ke olelo ae o na Hawaii wale no keia e heluhelu nei i keia nupepa; aka, o na lahui like ole a he poe Amelika hoi. He poe hoi i apo mai a pulama aku i ka kakou hiwahiwa i mea nana e hoonaauao aku ia lakou i ka kakou olelo makuahine. I na he aloha ko ka lahui Hawaii 1 keia wahaolelo a i makemake e hoomau ia aku kona hoopuka ia nna. aole he hana e ae a oukou e hana al o ka paepae wale mai no iaia, ma o kau kokua ana a hoomanao mai i kona wahi ola. E like me ke komo a hoomaka ana aku i ke 39 o konn mau mnkahiki. e haawi mai hoi i na apu laau e hiki

ai ke hoopau i«» kona nawaliwali. No ko makou mlnamina no i keia \yahaolelo ua Kikl ole ia makou ke hoopau ae i ka hoopuka ana aku iaia imua o kona mau piakamaka heluhelu. E lik> hoi keia nee ana aku i keia makahiki hou keia wahaoleīo i makahiki e ikaika hou ae al oia, a e fflo hoi oia i kukui hoomalamalama mau aku a.puni ke holookoa..