Ka Hoku o Hawaii, Volume XXXVIII, Number 47, 15 Malaki 1944 — Make No O Pamano I Ka I'o Ponoi [ARTICLE]

Make No O Pamano I Ka I'o Ponoi

Ma kela pule aku nei ua kukala ia maila ma ka radio no ka paa ana mai nei he mau wahine o ka mahele kaua a Amelika ame eiwa mau koa no ka hewa kipi i ko lakou aupuni, a ua hookolokolo ia mai nei kekahi o lakou imua 0 ka aha hookolokolo o ka oihana koa a ua ahewa ia mai nei no a hookau ia ka hoopai maluna o lakou. E like me na mea i hoike ia ae, ua loaa aku ka ike 1 ke aupuni no ka holo leka ana o kela mau wahine me na koa pio Kelemania, a inuhope iho nohoi oia manawa ua mahuka aku kekahi mau koa pio Kelemania. Ua kokua pu no nae hoi na koa Amelika i ka hoomahuka ana i kela mau pio Kelemania, a he hookahi o kela mau koa Amelika i mahuka pu me ke pio Kelemania.

E like nae hoi me ka hoike a ke aliikoa nana e hoomalu ana i kela poe pio aole i pili kja hewa i na wahine ma ka hoomahuka ana i kela mau pio, aka aia maluna o na koa ke koikoi lōa.

Ma ka hoomaopopo ana i na inoa o kela poe, ua hiki loa ia kakou ke ike a hoomaopopo iho, he mau inoa ano like me ko na Kelemania, aka, ma ko lakou kulana makaainana, he poe Amelika lakou apau, Kupaianaha nohoi keia poe la, ua kapa ia lakou iho, he poe Amelika, mahope hoi o ke kua he poe kipi, a kokua i na hana e hoopoino ai i ko lakou aupuni. Aia nohoi maluna o keia poe ka hilinai ana a ke aupuni Amelika, aka, ua lilo kela hilinai ana ia i mea ole, a ua lilo hoi i mea e hoala iā ai ka inaina ame ka hoowahawaha maluna o keia poe. Ku iho la 110 ka olelo kaulana a kahiko, "I make no o Pamano i ka i'o ponoi", a pela paha keīa la. O ka olelo ana he poe Amelika lakou i makaukau e haawi ia lakou iho no ko lakou aupuni, eia nae hoi ua hiki maila i ka manawa a Jakou i kapae ae ai i kela aloha i ko lakou a ae aku la a lilo i poe kipi. Ua like no keia mau hana me ke keiki e lele kimopo malu ana i kona makua. Ke haaheo nei nae hoi makou, no ka lilo ole ana o na Hawaii he poe kipi e like ae la me keia poe. Ua ike a ua lohe iho nei nohoi kakou i kekahi mau hana i ano like me keia, a i lilo hoi i mea kokua aku 110 i ka enemi. Mamuli nae hoi o ka lakou hana i lilo ai i mea hoopoino mai ia kakou, a eia hoi keia ke hana mai nei no ia hana hookahi.

Kea'o mai nei keia ia kakou e lilo kakou i poe e makaala loa no ka pono o ko kakou aupuni, a mai no a pani na pepeiao ame na maka, aka, e hoohamama mau i na pepeiao a me ka hookaakaa ana i na maka no ka poe kolohe a kipi e like ma keia poe.