Ka Hoku o Hawaii, Volume XXXVIII, Number 20, 8 September 1943 — Makaukau Mau E Hooko I Ka Makemake [ARTICLE]

Makaukau Mau E Hooko I Ka Makemake

Ua kau ae la makou i keia poo manao maluna'e, no ka hoike ana aku no ia i ke nkea, j ko makou makaukau mau e hooko aku i ka makemake ame ka iini o ko makou mau makamaka heluhelu, no ka holke ana aku i aa mea ano nui o kela ame keia mokupuni. He nui a lehulehu na Hawaii e heluhelu nei i na mea i hoopuka ia e makou, a ua 1110 aku ia mau mea a makou i hoopuka aku ai i mea hialaai nui ia e lakou, a no ia i|Sa-r nao hialaai, ua komo iho la ka manao iloko o kekahi mau makamaka heluhelu e hoouna mai i na mea hou o ko la~ kou mau apana pakahi, a eia ke hoopuka ia nei i kela ame keia manawa e loaa mai ai la makou., O kekahi ua ninau mai i na he uku ko ka hoolaha ana i kekahi mau mea hou o kona wahi mokupuni. He mau mea hoi e pono e loaa ka ike ame ; ka- hoomaopopo ana i na makamaka heluhelu o Ka Hoku i ka moolelo o kekahi makuahine i kokua aku i ke kinai ana i na hana hoopoino a ka enemi. Ua pane aku la nohoi makou, ua makaukau makou e hookomo i na mea* oia ano 'i wahi e ike mai ai ka nui lehulehu i kana hana i hana ai. 0 keia mau mea apau i ui ia mai ia makou, aole makou i hoole aku, aka ua makaukau mau e hooko no ka pono o na makamaka heluhelu. He nui nohoi na poe i heluhelu i na mea i kakau ia mai e kekahi mau makamaka maikai, a haawi mai hoi i ko lakou manawa no ka pono o na makamaka heluhelu o keia wahaolelo a ka lahui. 1 kakau ia mai keia mau meahou ame na moolelo, aole no ko makou pono iho aka no ka hoomalamalama ana no ia ia kakou i na mea e pili ana i ko kakou aina aloha. , Aole wale no nae hoi no na mea pili i ke kino keia mau hana e hooko ia nei, aka, me ko ka Uhane pu. E ike mai auanei oukou e na makamaka heluhelu ke hooko nei makou no ka hana ana i kekahi wahi mahele no ka hoomama ana ae i ka manao o kekahi poe e makemake ana e hoike ae i ke akea i kekahi mau mea ano nui o Hawaii nei. Ke mahalo pu nei nohoi makou i keia mau makamaka no ke kokua ana mai ia makou ma o ka hoouna ana mai i kekahi mau wahi manao no ka hoopiha ana i na kolamu o keia wahaolelo a loaa na mea a ko makou mau makamaka heluhelu e helu'helu ai a e hoomalamalama aku ai i ko lakou mau naau. 0 ka makou e iini nei, e nui aku na mea e hookomo mai ana i kekahi mau manao a meahou paha no ka pono o na makamaka heluhelu o Ka Hoku O Hawaii. 1 na he mau manao kekahi au e ka makamaka heluhelu i manao ai e hookomo mai, ua makaukau mau makou e hooko ia makemake a oukou.