Ka Hoku o Hawaii, Volume XXXVIII, Number 15, 4 ʻAukake 1943 — Ua Haule Kekahi Kanaka Nui [ARTICLE]
Ua Haule Kekahi Kanaka Nui
Ua kau ae la makou i leela Poomanao maluna ae, i wahi no kakou e hoomaojsopa ai i ke kulana o nfc kanaka nui o ke ao nei. Oia hoi na kanaka e paa ana i na kulana koikoi iloko o kekahi aupu.m. He hookahi no paha a kakou kanaka i pii aku ma kekahi anuu kiekie mai kona lilo ana i alii a hiki i kona pauaho ana mai i keia ola honua ana, a oia no ke Alii Kamehameha. 0 kekahi o na kanaka ano nui a makou e hoopuka nei oia no o Benito Mussolini, ke kuhina nui o Italia, a i paa hoi i ua kulana īa np na makahiki loihi, a o ka mea nana i hookau aku i kekahi mau haawe kaumaha maluna o na makaainana oj!taīia. : Ua kukulu nohoi oia i kekahi kulana iloko o kona aupuni a i kapa ia o na mahele oka Palule Eleele. Ua kau ae oia i kona moto penei: "E aho ka noho ana ano he liona iloko o hookahi Ia mamua o ka noho ana he hipa iloko o 100 makahiki." Ua hala aku la nae hoi kona Ia ua lilo oia he liona a me ka hipa. I keia la aole ona wahi pono a aole nohoi e hiki ke kapa ia ma kekahi o ua mau inoa la. Ua noho keia kanaka ma ka ano haakei, me kone manao ana e lilo ana oia i kanaka kaulana, ma keia kaue ana. Aka nae hoi, aole pela ka hooponopono ia ana o ko na ola ana ame kana hookele aupuni ana, aka, ua hiki maila i ka la ona e hoohioloia ai, a o ka hopena ua hiki <jle iaia ke alakai āku i kona aupuni no ke ku'e ana i ne aupuni huiia. Ua haule iho la oja mai ke kulana kiekie a i ke kulana haahaa loa, e nana ole ia aku ai e kona lahui. 1 keia Ia ua huli ae Ia na makaainana o keia aupuni a kakoo aku i ko lakou Moi. I ka hookohuia ana maile o ke Kuhina hou, ua kauoha aku la oia i na gualikoa Italia ma kekahi mau aupuni e aku e huli hoi mai no ko lakou aupuni. Me he mea la ua hiki loa ia kakou ke ike iho a hoomaopopo i ka manao nui o keia kahea ia ana o Iccia mau pualikaua. He hoailena paha keia, aole i makemake o Italia e hoomau hou aku i ke kaua ana, no ka mea he nui wale o kona mau koa i paapio, a aole nohoi i hoomohala mai o Kelemania i kona mau lima kokua ma kekahi mau kaua i hooiliia ai. Ua hana wale no o Kelemania i kona pono ponoi iho. Ua maopopo mua no ia Mussolini i kona poino, aka, nae hoi aole oia i haawipio wale aku a hiki maoli iho la no i kona waiho ana mai i kona kulana ana i paa ai he mau makahiki loihi. "O ka mea hookiekie, he la no kona e hoohaahaa ia ai. Ua pili loa keia ia Mutsolini. Ua manao oia e hiki mai ana i ka !a ana e lula ai i kekahi mau aupuni e ae, Ua ko ole nae ia manao, ua hiki maila i kona la i hoohaahaa iaai. Ua pau ke ala, hou ana o kona inoa imua o kona lahui, a ua pau hoi ka mohala hou ana o ka pua o kona ola honua ana iwaena o kona mau ukali, a e lilo ana oia me paakai ala e e kiola ia ana i waho a e hehihehi ia ana e na kanaka, O keia kuhina hou o Ilalia, he kanaka no oia i kulike ole kona manao me ko Mussolini, aka, ua hiki ole iuia ke ku'e aku, no ka mea ua maopopo mua no pahu iaia ka hopena e kau mai ana maluna ona i ka wa a Mussolini e hookele ana i ke aupuni. Ua hiki maila no nae hoi i kona Ia i hapai ia ae la no ke kulana kiekie, a e lilo ana paha hoi i mea e hoomama aku ai i na haawe kaumaha 1 hookau ia maluna o na makaainana Italia ma keia mua aku. Ua pau, ka Mussolini hookele aupuni hou ana no ku manawa mau,