Ka Hoku o Hawaii, Volume XXXVIII, Number 11, 7 Iulai 1943 — Ke Ano Kanaka Makua [ARTICLE]

Ke Ano Kanaka Makua

Ma kekahi mau helu aku nei o Ka Hoku 0 Hawaii ua hoopuka aku makou i kekahi manao pepa ma ke Poo "E Hookanaka". Eia hou no makou ke hoopuka aku nei i kekahi manao i ano like me ia, aole no nae hoi no ko makou ano kaena paha, a hoike aku i ko makou manao i wahi e uhai mai ai na Hāwaii apau ia manao ana o makou, aka, e hoike aku ana i ke ano oiaio maoli a ano kanaka makua o kekahi poe Hawaii e noho mai nei, Eia no makou ke hoike aku nei aole ma ke ano kaeua, aka, mamuli o na olelo apono a na makamaka heīuhelu e komo mai nei i o makou nei, no na mea e hoopuka ia nei a e kakau ia nei e ka Lunahooponopono nei. Ua hoouna maila kekahi mea kakau o Ka Hoku i kekahi leka i ka Lunahooponopono o Ka Hoku i ka manao, hoakaka a kekahi o na makamaka heluhelu o kona apana, e hoike ana ua mea heluhelu nei no ka nui o kona hauoli 1 n& manao pepa i hoopuka ia ai. / Mamuli o kona piha hauoli loa i na manao kalai a Ka Hoku, ua hoolele mai oia i ke kapuahi, no ke ola o kana nupepa a o ka hiwahiwa hoi a ka lahui. 'Ua hoouna maila ua makamaka heluhelu nei he $6.00 no ke ola 0 kana pepa, a oia ka makou i kau ae ai i kela Poo Manao "maluna'e, i wahi e ike ai kakou na Hawaii i ke kulana Kanaka Makua o ua Hawaii la. He nui no a lehulehu o na Hawaii e noho mai nei, aole i manao ae aia kekahi mau mea maikai ke hoopukā ia nei maloko o Ka Hoku O Hawaii, a malia paha no ke ano huhu pilikino, a noonoo ole ae i ka maikai i ia aku ai no lakou Ika wa nae hoi oka pilikia, wlikiwiki mai hoi kau i ka holo mai i Ka Hoku no ka hoopuka ana aku i kekahi mau hoolaha, a i ka pau ana o ka pilikia. "Who hoi see ia oe", uā ko aela no ko'u makemake, a heaha ka'u nana. O ke ano kanaka makua anei ia? Aole loa. o ke ano oia mea he hoopalaimaka, a hoohoihoi makuahonowai. Q keia makamaka i hoomanao maila i ke ola o kana pepa, he kanaka oia e waiho ana i ka nawaliwali no kekahi mau maka'hiki loihi, aka, o kela ano kanaka makua aia no iloko ona, a o ke ano iho la no ia o na kanaka makua, he kakoo nui loa i ka lakou mea e ike ai he pono. O kekahi mahele o keia kanaka, he Kristiano oiaio. 1 ka hoohuiia ana o ke ano kanaka makua ame ke ano kristiano, hele loa i ka maikai a pookela, maluna ae o na poe i manao he mau kanaka makua a kristiano oiaio lakou. | O ke kanaka makua oiaio maoli, he mea e paepae mau ana i ka pono, aole o ka kipehi a hoao e hoohiolo i ke kulana o kona hoa kanaka. Ua like na poe oia ano me na poe i aahu i'ke kuka o ke kahunapulē a maloko nae hoi he kohu iliohae, i makaukau mau e lele aku a poi a haehae i kona hoa kanaka.

Nolaila, e ka makamaka maikai o Maui Nui o Kama e, ke hoomohala aku nei ka lima akau o Ka Hoku O Hawaii ia oe, no kou ano kanaka makua 1 kou hoomohala ana maila i na lau oliwa o ke aloha makua no kā paepae ana i keia wahaolelo a ka lahui Hawaii i mau ai kona hoomalamalama mau ana aku iloko o na home Hawaii apau o keia mau pae moku. Ke hoomaikai pu nei nohoi ia oe, no kou lilo ana i kia hoomanao mau na na Hawaii e ukali aku ai, no ka hoomalamalama mau ana mai i na Mawaii l na mea maikai apau. 0 ka mea i huna i kona ipukukui malalo o ke jK>i, aole ia e malamalama ana iloko o ka uhane o na Hawaii e ae. 0 ka makou e 'upu mau nei e HIo mau kau mau I "m i kia hoomanao mau no ka lahui Hawaii, a i ala ae ai !akou a kukulu ia lakou iho maluna o ke kahua "HOOKANAKA MAKUA/' Mahalo n? anui ia oe.