Ka Hoku o Hawaii, Volume XXXVII, Number 48, 24 March 1943 — Na Ka Oihana Kaua O Anakala Sam [ARTICLE]

Na Ka Oihana Kaua O Anakala Sam

E like me na mea i kukala ia ai ma kekahi manawa ae nei i hala e paipai ana i na hanauna K&pani no ke komo ana iloko o ka oihana koa no ka hōomakaukau ana ia lakou no ke komo ana'iloko o ka oihana koa no ko lakou aupuni, ke aupuni hoi nana i hanai a i malama ia lakou mai ko lakou/manawa i hanau mai āi. MamuK o keia mau leo kahea i na hanauna Kepani i huli a mahi ai na Kepani opio a haawi ia lakou no ke komo ana iloko o ka oihana koa. 0 ka huina 1 makemake ia ai, oia hoi 'he 1,500, a mamuli o ka nui loa o na Kepani i makemake e komo iloko o ka oihana koa, ua hoopii ia ae la ka huina a hiki i ka 2,000 a oi aku.

Ua hoomaka ka ohiia ana o na Kepani ma na mokupuni mawaho aku o Hawaii ma kela mau pule aku nei, a ma kela pule aku la i ohiia ai ko Hilo nei mau Kepani opio a hiki aku ko lakou nui i ka elua hanen a oi.

Ma ka auinala o ka Poaha i kau āku ai lakou maluna o na kaa kalaka o ka oihana kpa e hoomoana nei, a holo aku la no ke kau ana malūna o ka moku a holo aku no Honolulu, no ka hoomoana ana malaila a hiki i ko lakou holo loa ana aku no Amelika ma kekahi kahua hoomoana a a'o koa malaila.

Ua hilei aku ma kahi o ka umi kumamawalu mau kaa kalaka nanajjawe aku i keia mau Kepani. Ua haawi akii lakou ia lakou iho no ka hoomakaukau ana ia lakou ma na loina o ke kaua ana, a e kaua aku ana hoi me ka enemi, me ka nana ole, i ka lakou aupuni e kaua aku ai. E ike a e hoomaopopo nohoi kakou, ua haawi aku keia poe opio ia lakou iho no ka hoōko ana i ka a ko kakou aupuni. Ke upu a ke iini nei makou, e hooko pololei keia poe i ka makemake o Amelika, a e haawi ana hoi i ko lakou ikaika ame ka lakou kakoō ana i ko lakou aupuni, nana 1 hoohua mai ia lakou, a nunui ae Ia e lilo i mau kanaka opio kupono no ka paio ana no ka loaa ka lanakila ame'ka maluhia, ka niea hoi a kakou e iini nei e loaa, i hoolei ia hoi keia mau hakumakuma e hekau nei maluna o kakou. E uhai mau ia hoi lakou e na pomaikai he nui. a kaua hoi no ka lanakila ana maīuna o ka mea pakaha wale.