Ka Hoku o Hawaii, Volume XXXVII, Number 45, 3 Malaki 1943 — Hoohanohano Ia [ARTICLE]
Hoohanohano Ia
Ma kela Poalima aku nei i hoohanohano ia ae ai kekahi koa Marina nona ka inoa o Albert S. Schmid, no kona luku ana aku i kekahi puali o 200 mau koa Kepani, ame ka hooauhee ana akn i na pu-alikoa Kepani i ko lakou manawa i hoao mai ai e lele kaua i ka po, ma ke kahua kaua ma Guadaleanal, iloko aku nei o Aukake. Ua hookau ia aku ka medala_Kea o ka Oihana Kaua Moana, no kona lilo ana i koa wiwoole. Ua ku aku oia ma ka aoao o kekahi pu mikini a paio aku i na enemi, he hookahi wale no, mahope iho o .ka make an-a o kekahi o kona mau hoa, a he hookahi i hoeha ia, a 'ua hiki ole i na ke a'e mai i ka muliwai Tenaru, ma ua kahua kaua la. (O ke kanaka ia i paa ka manao e kaua no ka lanakila o kona -aupuni maluna o ka mea kimopo. Ua nana ole oia i kona ola, aka, ua nana aku i ke ola o kona mau puali e hoomaha ana mahope aku o ka laina kaua.)