Ka Hoku o Hawaii, Volume XXXVII, Number 34, 16 Kekemapa 1942 — Moku Hapalua [ARTICLE]

Moku Hapalua

Ma kekahi lono i hoike ia maiia no ka paio ana aku o kekahi mokulele Amelika me na mokulele Kepani ma ka hema aku lei Ua hoike ae kekahi pailaka opio, iaia e lele ana ma ka lewa ua ike aku la oia i ka lele makawalu ana mai o na mokulele Kepani e paio me ia. Ua hoohuli aku ia oia i kona mokulele a hoomaka aku e ki i na mokulele Kepani, ua hoomau aku Ia oia i ke ki ana i pu a hiki i ka pau loa ana o ka poka.

Ua hoohuli aku la ua pailaka nei i kona moku lele a lele pololei aku no kahi a ka mokulele Kepani e lele mai ana, a ua hoao aku oia e hooemi iho i kona mokulele a kaa malalo o ka mokulele Kepani eia nae aole he hiki a no ia kumu, ua lele pololei aku la oia no kahi o ka mokulele Kepani. laia ka e lele ana i ka lewa, ua nana maila na poe ma ka honua paa, a ua ike maila lakou no ka loaa pono ana o ka huelo o ka mokulele Kepani i na epaepa o ka mokulele o ke pailaka Amelika, a ua ike ia maila no ka moku pu ana o ke kino o kela mokulele Kepani a kaawale ka huelo mai ke kino mai. I ka ike ana o keia pailaka i ka poino o kona mokulele, ua pinana maila oia a kau ma ka eheu o kona mokulele a iele iho ia ilalo. Ua kokoke loa oia e pa i ka honua, o kona wa ia i huki ai i ke kaula o kona baluna, a o ka mohala ae la no ia a haule iho la oia iloko o ke kai, a kii ia e na poe kokua maluna o ka waapa, a kau aku la oia a. pakele, a hoihoi ia aku la no ke kahua hoolulu o na mokulele.