Ka Hoku o Hawaii, Volume XXXVII, Number 27, 28 October 1942 — Uwoki Oe E Hamama Ana Ka Waha I Ka Makani [ARTICLE]

Uwoki Oe E Hamama Ana Ka Waha I Ka Makani

Ma kela mau la aku nei ua kukala ae la o lapana, 0 na paiiaka o na mokulele Amelika i lele aku ai a hoo-pa-hu iho ia Tokio ma na mahina i kaa hope ae nei, a e paa pio mai nei he mou pio na lapana, e hookauia ka make maluna o lakou i uku panai no ka lakou i hana aku ai ia Tokio, E hoike ana hoi mamuli' o ka lele ana aku a na mokulele^ Amelika ua iho la lakou i na poka pa-hu maluna o Tokio a poino ke ol,a o na keiki kula. Na hana ana ka a na Amelika i makawelawela loa o īapana 1 na Amelika a koi e hookau ia ka hoopai o ka makē malunā o lakou.

Mamuli nae hoi o na hana ana a na Amelika i piha loa ai o lapana i ka inaina. Aka nae hoi ua poina.o lapanā i kana i hana mai ai maluna o Puuloa, aole lakou i noonoo ae i na tausani o na poe i luku ia e na pu mikini 0 na mokulele lapana i ai ma Dekemaba 7, kela la hoi a kakou e Hawaii e hoopoina ole ai. Ō lakou nae hoi kai liauoli no ka hana i hookau ia mai ai māluna o Puuloa a o ka mea.hoi nana i hoopii 1 ka wela inaina ilokō o nā Amelika oiaiō, a i lilo ai hoi ia mau hana i mea nana e hooni i na manao e panai aku i ka haha i hookau ia mai ai māluna o na tausani o na kanaka Amelika, mai na poe iloko o ka Oihana Kaua aina ame Moana a pela pu nohoi me na makaainana i moeuhane mua ole ae eia akir ka poinO a hoea mai. Ku iho la ka olelo a ka Buke nui, "E like me kau i ana aku ai, pela no auanei e ana ia mai ai. E like nohoi me ka lapana i mai ai ia Amelika pela nohoi i panai ia aku ai ua hana kimopo ala. Uwoki no nae Hoi, e wikiwiki ana e hoohalahala. Hamama ka waha i ka makani. no ka luku wale ia o na keiki kula. Pehea la ka hoi lakou, i ko lakou wa i kimopo mai ai, ua kani ka aka, a piha hauoli a ku kaena, o lakou ke aupuni ikaika loa ma ke ao. "Ku ka liki i Nuuanu, a i ka iliki ia ana akula, hamama ka waha i ka uwe. Aole o keia wale no na hana i hana ia mai ai, ua oi pakelā aku ka hana a'ka enemi, aoie' wale no ma Hawaii nei, aka, ma kekahi mau aupuni e ae i lilopio aku malalo ona. • . E like me na lono i hoike ia ae, ua lawelawe aku kona mau koa i na hana limanui māluna o. na wahinl. Aole anei he hana keonimana ole ia a kona mau kanaka i hana aku ai? "O ka mea hookiekie, he la no auanei e hoea mai ana'e hoohaahaa ia ai ola, a o ka mea kaena iaia iho, hc la no auanei kfena e hoohaule ia ai. Mai lilo nae hoi keia mau hoouweuwe a ka enemi i mea e komo mai āi ka manao aloha iloko o oukou, a lilo ia i mea no oukou e kaumaha pu ai i na hana i hookau ia aku maluna o Tbkio. 0 ka uku panai ia no ka ino i hookau ia mai ai maluna o Puuloa. Ē hoomanao i na hana i hana in ma Puuloa i ka la 7 o Dekemaba, 1941,