Ka Hoku o Hawaii, Volume XXXVII, Number 25, 14 October 1942 — Ua Oi Aku Ka Aina Mamua O Ka Hanohano [ARTICLE]

Ua Oi Aku Ka Aina Mamua O Ka Hanohano

Ma ke awakea o ka Poaha aku n'ei i hoike ia mai ai ka lono nia ka raclio, a he lono hoolele hauli hoi i na poe apau a puni keia Paeaina no ka warho ana ae o Ēlelē Lahui Samuel Wilder King i kona palapala noi īmua o Ernest K. Kai, ke Kakauolelo o ke Teritori, no kona unuhi ana mai i kona inoa mai ke kulana moho elele ma ka aoao Repuhalika. Aole keia he hoolele hauli a lohe mai i ke a'o, no ka mea aia no ka manaolana o na makaainana no kona koho ia a lanakila ma ka la Koho Nui e hoea mai ana majceia mahina ae. Mamuli nae hoi o keia lono ua nana aku a nana mai na poe apau kekahi i kekahi, a nune aku a nune mai i ke kumu o keia unuhi ana. Ia wa nae hoi i ia maila na kumu o ko King unuhi ana, mamuli no ia ō kona makemake ia e kā Oihana Kaua Moana no kona hoi hou aku iloko o ka Oi~ hana Kaua Moana. Ua waiho aku 6 King i kona kulana Aliimoku maluna o ka moku kaua Amelika, a mahope mai koho ia i elele a o ke kulana 'hoi ana i paa ai no ewalu makahiki. He kanaka nohoi' o Samuel King i kamaaina i ka Moana Pakipika, a no ia kumu oia i makemake hou ia ai e hoi i ka Oihana Kaua Moana. I kona noonoo akahele ana, ua hooholo oia ua oi aku ka pono e hoi hou aku a pa*o no ka lanakila o kona aina aloha a ua nana ole ae i ka hanohano e kau mai ana maluna ona. Nolaila, ua nele iho la kakou ike kanaka nanai e nana i ko kakou pono ma Wakīnekona, aka, e onou ia ae ana kekahi kanaka i pani ma kona makaluā a he kanaka nohoi i makaukau i ka hana ana no ka pono o Hawaii aloha, a he kanaka i ike a hoomaopopo i na mea a Hawaii nei imakemake ai. - . I ko King hoi hou ana aku me ka Oihana Kaua Moana e.holo pu ana na manao kalokalo a Ka Hoku O Hawaii, e uhai mau ia oia e apau ame ka holomua ma kana hookele ana i kaha hana e hookau ia mai ana e ka Oihana Kaua Moa*a. E hoopau kakou i na manao pono ole nona, a e nana aku ia mua.