Ka Hoku o Hawaii, Volume XXXVII, Number 18, 26 ʻAukake 1942 — Ka Hana Hoala I Ka Ikaika [ARTICLE]

Ka Hana Hoala I Ka Ikaika

Ma ke!a Poalima aku nei i loaa mai,ai kekahi lono hoohauo'Lmai i ka manao ame ka ikaika o ka lahui Amelika, oia no ka lilo ana ae o kekahi o na mokupuni Solomona i na puali kaua Marina o Amelika. O kekahi o keia mau mokupuni i lilo maila i na puali Manna, he mau kahua mokulele no na Kepani maluna o laila, a ua hoohikilele ia ©ku na Kēpani e hoomoana ana ma kele mau mokupuni e na puali kaua Amelika, ame ka lukii a hoauhee ia ana o napoe e noho ana malaila. Ua hoao hou maila no na Moku Kepani e hoopae i na puali koa ma ua mau wahi ala, me ka. manao e lele' kaua hou mai i na koa Amelika, ao ka hopena mai loko mai o ka huina o 700 koa Kepani he 670 i lukuia a paapio mai he 30. Aole keia he lono hauoli a lohe mai i ke a'o aka, ua li]o aku ia i mea e hoala hou ia ae ai ka ikaika ame ka uwila iloko o na koa Amelika e ku kiai ala ma ua mau mokupuni ala, a i ole i ka lahui Amelika holookoa no. He lono hoi keia e hoike mai ana ua lanakila ko kakou mau puali koa maluna o ka enemi. He_hoike ana hoi keia ua lawa o Amelika me kona mau kanaka no ka paio ana aku i ke enemi a ua lawa pu hoi kona mau mahele kaua, e like me na moku kaua ame na mokulele no ka lele kaua ana aku me ka enemi, a e luku ia aha hoi na mahele kaua oka Enenii. Ua loaa pu maila nohoi ka lono e hoike ana nQ ka lele kaua ana aka o na mokulele nunui o Amelika ma kekahi mau wahi o Kelemania a ua holopono nohoi ka lakou huakai lele kaua, He mea nohoi e hooi ae ana i ka .ikaika ame ka manao koa iloko o na mahele kaua o Amelika, a ua hoolana pu ia maila nohoi na manao hauoli o na makaainana mamuli o keia mau lono hoohauoli. Ku nae hoi kaena a ka mea kaena mamua aku nei, a i keia manawa ua mimino ka pua mae wale ka mauu, Aole he lohelohe nui ia aku na mea e pili ana i ko lapana lanakila ana ma kana hooili kaua ana i keia mau la, Heaha la ke kumu? Eia no, ua loaa pono aku la kona mau puali kaua i ka hamare kila a na puali kaua Amelika. Uwoki nae hoi ia e mama ana i ka holo, loaa iho la keia mau olelo, "A'.o ke koa, a'o ka holo."