Ka Hoku o Hawaii, Volume XXXVII, Number 4, 20 May 1942 — He Hooakaka [ARTICLE]

He Hooakaka

Ma ka puka ana aku la o kahi Hoku ma kela helu aku nei, a loaa ana aku keia i kekahi mau makamaka heluhelu, ua hoohalahala koke iho la no no ka emi ana maila o na aoao heluhelu.

Maila paha ua pololei no ia, hoohalahala ana, ma kekahi aho, aka, aole nae hoilakou i hoomaopopo iho, eia ka aina iloko o ka ehu o ke kaua. A hiki ole ke komo nui mai na meaai i o kakou nei, a pehea hoi na pepa e pa'iia ai na nupepa. I nui no ka ai e komo mai ai i ,ka nui o na moku a pela nohoi me ka pepa, a o kekahi, ei«a no ke kahea mai nei ka Oihaoa Kaua i na pepa. Nolaila, e aho ka emi ana mai o na aoao heluhelu o ka kakou pepa a loihi aku ka manawa e puka mau aku ai i ko oukou ipuka mamua o ka puka ana he manawa pokole wale no. E āho no ka uuky mamua o ka nele loa.

O kekahi aole he loaa nui o na hoolaha, ai-a 1 na hoolaha ke ola o kekahi nupepa, i na aole na hoolaha, aole i lawa no ka uku ana i na hoolilo pa'i. Ke manaōlana nei nohoi makou e ike a e hookaakaa ia ana ka .manao o kekahi poe e hoohalahala mai nei.