Ka Hoku o Hawaii, Volume XXXVI, Number 36, 25 February 1942 — O Ka Lokahi Ka Ikaika, Ao Ka Mahele, Ka Hiolo Ana [ARTICLE]

O Ka Lokahi Ka Ikaika, Ao Ka Mahele, Ka Hiolo Ana

Ua lawe maila makou i kela poomanao e kau ae la maluna i kumu a'o aku īmua o kakou ka lahui Hawaii a pela me ko kakou aupuni nui me Amelika. O' ka hoiliili ana i na mea liilii, he mea maopopo loa i ka 'hopena e lilo ana ia i mea nui, a i na e hookakaawaleia ua mau mea liilii la ma o a maanei, he mea maopopo loa e lilo ana ia i mea ōle, a e lilo mau ana i mea palupalu a waiwai ole. Peia no hoi kakou ka lahui Amelika, i ikaika no kakou i na e'lōkahi pu kakou ma ka hana ame ka manao. Ua hiki mai i ka manawa a kakou e hoohana ai i ua lokahi la, oiai kakou i'loko o na ehuehu o ka hakoko no ka lanakila, a e paio ana hoi me ke enemi. Aole keia he wa no ka 'hookakaawale ana, aka, e hoohui ia kakou i hookahi, a e hui he poohiwi a he poohiwi, a e ikaika auanei hoi kakou. , ■ Pehea e hiki ai ke lilo i hookahi> Eia no, e hoolilo lAIA i alakai nui, a e hoolilo iaia i puuhonua, a i mea nana e puhki īa kakou i hookahi, a e paio aku me ka enemi, a o ka hopena e lanakila ana no kakou maluna o ka enemi. Nolaila, o keia ka wa. aole he hoopanee hou ana aku. O na poe kupono no.kekomo ana iloko o ka oihana koa no ka paio ana a ana i ko kakou aina ame ko kakou aupuni, o ka keia e haawi ai ia oukou iho no ia mahele, a o na poe nohoi i kupono ole no ia mahele a i kupono makekahi mahele okoa ae, eKana nehoi ma ka mea i hiki ia lakou, Aole nae hoi o na kane wale 110, aka, o na wahine pti ame na keiki. Ua hiki i na keiki ke hana iko lakou mahele. ma t ke kuai ana i na pooleka ame na bona kupale no Amehka a he mau niea ia e kpkua ana i ke aupuni. O na wahine lioi, ua hiki ia lakou ma kekahi mahele e ae e like me ka humuhuniu ana i na mea e pono ai na kanaka iloko o ke kaua. O ka hookakaawale ana hoi, he mea ia e hoohelelei ana ia kakou i o ia-nei, a aohe he waiwai mahope mai, a iilopio. Heaha kā hoailona e hekāu mai mahope ? Eia no, e loaa ana ka ma i he kukule, a he hoka. Nolaila, e kapae i ka maka'u, ka hopohopo, a e hoo komo iho i ka manao koa a wiwooie, a aloha aina iloke o kela ame keia mea pakahi, a paio no ka loaa o ka la nakila ame ka maluhia ame ke kuokoa. E hoopuipui i ko kakou mau puali kaua, mai ke aina ke kai ame ka lewa. \o!e he wa hou aku e hoo paneenee ixi, aka, i keia manawa no, e kukulu, e hoohana a e hoonee imua. E lawe i ka olelo kaulana a ko kakou alii aloha, ke Napoliona o ka Paliipika, ka Na'i Aupupl, ke alii Kame hameha, i kona mau koa nia ka mokupuiu o Maui uia ke kaua ma tao: "Imua, imua e na pokii a inu i ka wai awaawa I'*1 '* Nolaila, imua, innia e na Amelika oiaio, i paio. no ka lanakiln, ame ka aine ke kuokoa niau o Ame lika Huipuia.