Ka Hoku o Hawaii, Volume XXXVI, Number 13, 23 July 1941 — Hoomaopopo Ia Ka Pii Mahuahua Ana O Na Hawaii [ARTICLE]

Hoomaopopo Ia Ka Pii Mahuahua Ana O Na Hawaii

Ua loaa maila ia makou kekahi meahou ame na hoike mai kekahi o ko makou mea kakau makaala a mikimiki, e pili ana i nā Kuia o Kamehameha, a e hooakaka ana hoi i na mea i kukaiolelo ia mawaena ona me kekahi kumupoo 0 na Kula o Kamehameha. Ma kana kukaiolelo pu ana mē kela kumu poo oia nohoi o Miss Maud Schaeffer. e pili ana i na kaikamahine e makemake ana e konio aku ma ke Kula o Kamehameha o na Kaikamahine. Ua paiie nialla ke kumupoo, he nui na makua i noi aku no ko lakou makemake nui ana e hookomo aku i ka lakou mau keiki, a no ka lawa ole ana i ka hale e hiki ai ke hookipa aku i na keiki, ua hoole ia maila he mau kaikamahine lehulehu aole e hiki ke hookomo ia aku. Ua hiki aku paha ma kahi g ka 300 i hoole ia mai. Ua minamina no keia wahine i kela mau keiki, aka aole e hiki iaia ke kauoha aku e kukulu ia i home hou no na kaikamahine e noho ai, aia ia kuleana 1 ka Papa Kahu Waiwai o Pauahi. Ma ka hoomaopopo ana i na he 300 i hoole ia maila no ke komo ana aku ma kela kula mamuli o ka lawa ole 0 "ka lumi np ka hōokipa ana aku i na kaikamahine., alaīla, he hoailona ia 'no ke aia ana o na Hawaii i keia manawa a noonoo e hoonaauao i ka lakou mau keiki. He mea pololei loa kela, o keia ka manawa e ku ai a e hoonee aku 1 mua, a māi hookuemi i hope, a hookuu aku na hai e omo i ka momona o ka aina, a o ka pauku iwi ka kakou c minali ai. He mtba maikai nohoi na na makuahine ame na makaukane Hawaii e ku ae i keia manawa a e hoike ae hoi i ko lakou manao e pili ana i keia ninau home, a e waiho aku hoi ia manao i na hoa o ka Papa Kahu Waiwal o Pau ahi, no ka hoolokahi ana i ko lakou manao a hooholo e kukulu hou ia i home no kā hookomo hou ana mai i na kaikamahine Hawau e niakemake mcd nei e komo ma ke Kula o Kamehameha o na Kaikamahine. ] Ke manaolana nel nohoi makou e ko ka iini o na| makua mea keiki no'ka loaa o kekaKi home pauki hou no na keiki Hawaii ma kela kula ma keia mua koke iho.