Ka Hoku o Hawaii, Volume XXXV, Number 46, 12 March 1941 — Ke Ola Ana O Ke Kanaka [ARTICLE]

Ke Ola Ana O Ke Kanaka

E like me nā mea 1 d'o ia mai ai ia kakou e pili ana i ka Palapala Hemolele, a maloko nohoi o ua Palapala Hemolele la i ike iho ai kakou i ka loihi o ke ola ana o ko kakou mau kupuna, ē like me Aelamu. Noa a me kēk&hi poe e aku. Eia nohoike hoopuka ia nei maloko o keia wahaolelo kekahi ninau e pili ana i ke ola loihi ana o kekahi mau kanaka oia no o Aelamu ame Noa i ka 930 ame 950 o na makahiki. Mai ia manawa mai ua hoomaka mai ke emi liilii ana o na makahiki a hoea wale maila i o kakou nei i keia manawa. He kakaikahi loa na poe e ola mai nei i hiki aku maluna o ka haneri makahiki, o ka hapanui eia mai no i lalo, a o kekahi poe aia ma kahi o ke 90 a oi aku. O kekahi o keia poe e ola nei a loaa ke 90 makahiki a 01 aku, oia no o Mrs. Nora (Makuahine) Rickar(! o Honokaa, a o ka wahine ilipuakea mua i noho ai ma Honokaa.

Ua hanau ia o Mrs. Nora (Makuahine) Rickard, ma Enelani, a ua hoea mai i Hawaii nei hB 74 makahiki i kaahope ae nei. Ua haalele aku oia i kona ainahanau i ka niakahiki 1866, maluna o kekahi mokupea. O kana makahiapo oia no o Mrs. Rickard V7estoby o ka Mahiko o Aiea, Oahu, i hanau hoi maluna oka mokupea, ma ke alahele malalo ae o Ka Lae Hao. Ua hōohua ia mai kona kihapai ohana mē umikumamaono mau keiki, a ua lawe aku ka maketie elua a koe* meū he 14, a he 32 mau moopuna, a he 30 kuakahi ame 2 kualua. O ka hapanui o kana mau keiki eia no ke noho nei ma ke Teritori o Hawaii nei, a he kakaikahi e noho maila na Amelika. O kekahi o kana mau keiki oia no o Wm. J. Rickard, hope makainui mua iho nei o Hamakua a i hoomaha i keia manawa, a he mau kaikamahine nohoi e neho maila ma Oahu ame Lahaina, He oia mau no kona ikaika. Ua nui no ke aloha o ka Makua Lani i ka malama a hooloihi ana i kona ola.

Ua hoea maila nohoi kana mau kaikamahine e noho nei ma Oahu ame Lahaina no ka launa pu ana ame.ka hoomanao pu ana me keia makuahine maikai i ke 93 o kona mau makahiki.

Ke komo pu aku nei Ka Hoku O Hawaii no ka haawi a pahola ana aku i kona aloha pumehana i keia makuahine maikai i anoane aku e piha na makahiki t ka hanen, a ke kalokalo ae nei nohoi i ka Mea Mana Loa e hooloihi a e ha awi iaia i ka ikaika a hiki i ka piha ana o ke keneturia.