Ka Hoku o Hawaii, Volume XXXIV, Number 44, 28 February 1940 — KA HANA KOKUA [ARTICLE]

KA HANA KOKUA

Ma kela mau helu aku nei o Ka Hoku O Hawaii ua hoopuka aku makou i kekahi mea e pili ana i kekahi makuahine Hawaii, i lawe ia no ka nieniele ia āna no na mea e pili ana i kana mau keiki, no ka malama ole ia a pela wale aku, Me kona hoomalu ia ana eka Lunakanawai o ka Aha Hoomalu ame kona haawiia ana mai i na olelo a'o no kona hooano kanaka makua ana hoi, a e hoopapau ana i kona noonoo ana maluna o kana mau keiki. Mamiili o keia mau hana a ka Aha Hookolokolo maluna o keia makuahine, a ua laulaha aku hoi ka lono o keia mea i waena o ka Hui Kiwila O Hawaii, I ka lohe ana o na lala o keia hui i na mea e pili ana i keia niakua hine, aole lakou i hoohakalia iho, aka, ua kahea ia ka halawai, a ua liapai ia mai kekahi kumuhana imua oia halawaii ana, a o ua kumuhana la, oia no ka mea e pili ana i keia makuahine ia Mrs. Kaopuiki o Keaukaha. Iloko o ka lākou halawai, ua noonoo lakou e hana i kekahi hana no ke kokua ana i keia makuahine, a o ka lakou mea i noonoo ai oia no ko lakou hoomohala ana aku i ko lakou lima aloha no keia ohana nele, maoke kokua ana i na hana hooponopono i kona home, i hele a ano apu]u paha, a e hookomo ana hoi i kekahi kulana ano maemae o keia au, a i wahi holoi pa iwaloko o kā lumi kuke, a aole wale oia, aka, e hookomo ana i wahi auau. Ma o Miss Margaret Bevis, he mea hana no ka pono 0 na kamaiki o ka oihana kokua manawalea» eia ke hoolako ia nei kela ohana me na meaai. Ua komo pu maila nohoi na poe puuwai aloha o ke kulanakauliale o Hilo nei, a hoomohala i na lima kokua ma o ka haawi ana maila i ka lakou mau kokua mao ke kala kuike, a ua holo aku hoi ia no ka hoolako ana i keia mau keiki me ka waiu. O kekahi hana maikai loa keia i hana ia e keia Hui Kiwila o Hawaii, no ko lakou kokua ana i kekahi ohana Hawaii nele. Malia paha ua hana akū no lakou i kekahi hana o keia ano mamua aku nei, eia nae hoi aole i ike ia 1 ke akea, a o keia ka mua, a ke paipai nei hoi ia oukou i na oia iho la ko oukou moio, alaila, he wa no e ulu mahuahua hou ai ka lahui Hawaii. Aole nae hoi keia e lilo i mea no kela ame keia o!\a na Hawaii e kokua ia ana. e i iho ai, eia au ke kokuu ia mai nei. a heaha hoi ka*,u nana, no ka mea. ua loaa w ale na kokua Oka hana pono oia» i kou ike ana eka mea piiikia, no keia mau hana kokua e hoololi ae i kou ano, a e hooikaika pu. e lilo i mea e ku kuokoa ana a e malama ana nohoi ia oe ponoi iho. Nolaila. e na hoa ame na lala o ka Hui Kiwila o Ha-, waii. e law r e aku ika hoomaikai a Ka Hoku O Hawaii no! ka oukou hana aloha lahui, ma o ke kokua ana maila i! keia ohana Hawaii nele. Ke lana nei hoi ka manao, e lilo ka oukou anoano i kanu aku ai iloko o keia oliana, e uīu j ae a laula , a e loaa inai hoi ka hua mailoko mai oia ohana, t a ma ka hopena nohoi e huli niai no lakou a panai mai i ( ka hana maikai no ka haua i panai ia aku ai ia lakou. Na ka Makua Lani no auanei e liooholo mua i ka ou , kou mau mea e hana a.i no ka peno o kou hoa I !av\ūi. |